مًنْتُِِّْدًٍيَآتُِِّْ رومانتك عًٍآلمً لآ سٌِِّكَوٍنْ لهٍَ
عزيزي الزائر / عزيزتي الزائرة يرجي التكرم بتسجبل الدخول اذا كنت عضو معنا
او التسجيل ان لم تكن عضو وترغب في الانضمام الي اسرة المنتدي
سنتشرف بتسجيلك
شكرا
ادارة المنتدي

مًنْتُِِّْدًٍيَآتُِِّْ رومانتك عًٍآلمً لآ سٌِِّكَوٍنْ لهٍَ


 
البوابةالرئيسيةالتسجيلدخول
جدد نيتك في تواجدك في المنتدى ولا تجعل تواجدك في المنتدى يشغلك عن الصلاة أو أي واجبات أخرى . يمنع وضع اى رابط لمنتدى أخر إلا بعد موافقة الإدارة
(اللّهُ لاَ إِلَـهَ إِلاَّ هُوَ الْحَيُّ الْقَيُّومُ لاَ تَأْخُذُهُ سِنَةٌ وَلاَ نَوْمٌ لَّهُ مَا فِي السَّمَاوَاتِ وَمَا فِي الأَرْضِ مَن ذَا الَّذِي يَشْفَعُ عِنْدَهُ إِلاَّ بِإِذْنِهِ يَعْلَمُ مَا بَيْنَ أَيْدِيهِمْ وَمَا خَلْفَهُمْ وَلاَ يُحِيطُونَ بِشَيْءٍ مِّنْ عِلْمِهِ إِلاَّ بِمَا شَاء وَسِعَ كُرْسِيُّهُ السَّمَاوَاتِ وَالأَرْضَ وَلاَ يَؤُودُهُ حِفْظُهُمَا وَهُوَ الْعَلِيُّ الْعَظِيمُ لا إِكْرَاهَ فِي الدِّينِ قَدْ تَبَيَّنَ الرُّشْدُ مِنَ الغَيِّ فَمَنْ يَكْفُرْ بِالطَّاغُوتِ وَيُؤْمِنْ بِاللَّهِ فَقَدِ اسْتَمْسَكَ بِالْعُرْوَةِ الْوُثْقَى لا انفِصَامَ لَهَا وَاللَّهُ سَمِيعٌ عَلِيمٌ)

شاطر | 
 

 الحب والتكنولوجيا

اذهب الى الأسفل 
كاتب الموضوعرسالة
الببلاوى
مشرف
مشرف
avatar

ذكر العمر : 30
المزاج : عال العال
تاريخ التسجيل : 13/05/2008

مُساهمةموضوع: الحب والتكنولوجيا   الأربعاء يونيو 24, 2009 9:48 am

يا جماعه انت مش ملاحظين ان التعبييرات العاطفيه وكلمات الحب زادت اوي اليومين دول
دي مش بس زادت دي رطرتت
حبيب قلبي
عمري
روحي
نور عيني
وحشني يا غالي
فينك يا قمر
والنعمه بموت فيك
الكلام الحلو ده كله مكنش في قموسنا اليومي قبل كده
وكمان مش بيقولو راجل لست او ست لراجل لا
ده بقي يقولو راجل لراجل وست لست واي حد تقابله يقزم رزعك طقم حنيه كامل من غير اي مناسبه وساعات من غير
سابق معرفه



الغريبه ان كلام الحب ولاتعبيرات الفظيعه دي جايه في وقت الحب انتهي فيه تمام
والناس مبقيتش طايقه بعضها
والحقيقه ثوره الموبايلات والاتصلات اخترعت لينا طرق جديده للتعبير عن الحب
مسجات ورنات جاهزه ولا تتعب دماغك ولا تفكر يدوب تضغط ارسال وهي هتوصل يا معلم
كلنا طبعا فكرين عبد الحليم حافظ ولبنه عبد العزيز في الوساده الخاليه

ومكالمات التليفون الي كانت شغاله بينهم طول الليل
ولبني بتقوله بصوتها الي يدوخ اقفل بقي يا صلاح
وصلاح مش عاوز يقفل
كانت بتقول صلاح بطريقه خلتني اعيد الثانويه العامه علشان احسن مجموعي
كان نفسي يكون اسمي صلاح من حلاوه صلاح الي بتقولها
النهارده بقي هنستعرض شويه الفاظ جديده دخلت بعد مادخل في حايتنا الموبيل
تلاقي الي بتكلمك في اخر المكالمه تقلك (ياله باي
وبعدين طلعت حاجه جديد ( سي يو) بقي اه سي يو
ظهرت بقي قفله جديده للمكالامات تلاقي الانسه الي بتكلمك
بعد ثلا ث ساعات ضحك وكلام قبيح تقولك بتاثر
((لا اله إلا الله
وطبعا لازم ترد محمد رسول الله

طبعا زكر الله شئ جميل انما يا خونا ايه موقعها هنا وبعدين انا مش مسافر ولا رايح اعمل عمليه جراحيه
دي بتكلمني 19 مره في اليوم وكل مره بتقولها
خد دي جديده بردو في اخر المكالمه وقبل ماقفل السماعه في وشها تقولي (تيك كير(
ايه تيك كير دي هو انا بكلمها وانا بتسلق جبال الهمالايا
ولا انا رايح اتخانق في الدويقه واحتما مرجعش
تك كير كده في المطلق خلي بالك من نفسك
طيب ا ااتك كير من ايه


ظاهره تانيه بقي بس بتغظني شويه لما تتصل بيا واحده واقول لها الو

تقوم هي مخضوضه علي طول مالك صوتك مش عاجبني
طمني عليك انا مقلتش غير الو
احلفلها اني كويس جدا ومفي شاي حاجه
لاكن هي طبعا مش مصدقاني فكراني مخبي عليها المصيبه الي انا واقع فيها
بليز قولي فيك ايه
ولازم طبعا اجاري مشاعرها امال هي تتخض علي الفاضي
اقولها مفيش بس انا عندي شويه انفلونزا
تقوم تصرخ رغم اني كنت بطمنها
وتقولي
انت لازم تروح للدكتور حالا انت لازم تعمل تشيك اب
لا لايمكن طيب هي بتصرخ لايه انا بقولها عندبي انفلونزا مش انفلونزا الطيور ولا الخنازير
مش مكن انا شايف كل الي حوليا نزلين حب كل الاحضان دافئه كل اللقأت اسبايسي
لدرجه ان احنا مش مكفينا عيد حب واحد في السنه عندنا اتنين
واحد في فبيراير وواحد في نوفمبر
امال هنودي الحب ده كله فين

حب حب حب في كل حته حب في الكافيهات في النوادي في المصالح الحكوميه في الشوارع
الناس كلها تسبيل وعواطف


يارب شويه كراهيه بقيده الحب مالي البلد


حبيبي الاعضاء بحبكم جدا عضو عضو انت متعرفوش انتم بتوحشوني اد ايه

ياله باي سي يو بقي اه تك كير بيقي اه تيك كير متنسوش تعملو تشيك اب علي نفسكو علشان انا
قلقان عليكو صوتكم مش عاجبني خالص

لا إله إلا الله
يارب الموضوع يعجبكم

_________________
ليست مشكلتي إن لم يفهم البعض ما اعنيه..
فهذه قناعاتي .. وهذه افكاري .. وهذه كتاباتي بين يديكم
أكتب ما اشعر به .. وأقول ما أنا مؤمن به ..
ليس بالضرورة ما أكتبه يعكس حياتي ..الشخصية
هي في النهاية مجرد رؤيه لأفكاري...!!
الرجوع الى أعلى الصفحة اذهب الى الأسفل
http://romantic62.yoo7.com
زائر
زائر



مُساهمةموضوع: رد: الحب والتكنولوجيا   الأربعاء يونيو 24, 2009 9:50 pm

ههههههههههههههههههههههههههه
والله مواضيعك كلها جميلة يا ببلاوى وفيها خفة دم
فعلا الموضوع دا انتشر خااااااااااااااااااااااااالص
والحب فاض على الاخر وغرق الدنيا
مع اننا فى زمن نادر فيه الحب الحقيقى
انتشر مع انتشار وسائل الاتصالات السريعة والمتوفرة خالص وخاصة النت والموبايل
يعنى قبلها مكنش فيه الكلام دا
شكرا ليك اخى الغالى
الرجوع الى أعلى الصفحة اذهب الى الأسفل
عصافير الجنه
عضو جديد
عضو جديد
avatar

انثى العمر : 40
المزاج : متقلب ( على حسب )
تاريخ التسجيل : 20/06/2009

مُساهمةموضوع: رد: الحب والتكنولوجيا   الخميس يونيو 25, 2009 2:13 am

الســـــــــلام عليكــــــــــم

تسمحلى اقولك يا ببلاوى كده بدون القاب

انا عضوه جديده فى المنتدى بس بصراحه انا سعيده بمشركتى معاكم

لما بدخل المنتدى بحس انى داخلة بيت العيلة بجد والله العظيم

لقيت بينكم صداقه حقيقيه واخوة وحب وعشره والحاجات دى بقت نادره قوى

( الحب والتكنولوجيا ) اول موضوع اقرئه 0 فعلا المضوع جميل جدااااااااا وطريقتك

حلوه وسلسه وفيها خفة دم احييك على الموضوع 00

بس اسمحلى 00
كل واحد بيقعد يتريأ على الكلام اللى انتشر فجأه والعبارات التليفونيه اللى ملهاش

لازمه 00 طيب لما الكل بيتريأ امال مين اللى بيقولها ؟؟؟؟؟؟؟

Evil or Very Mad Evil or Very Mad Evil or Very Mad
الرجوع الى أعلى الصفحة اذهب الى الأسفل
http://ar.netlog.com/mervat20102009
الببلاوى
مشرف
مشرف
avatar

ذكر العمر : 30
المزاج : عال العال
تاريخ التسجيل : 13/05/2008

مُساهمةموضوع: رد: الحب والتكنولوجيا   الخميس يونيو 25, 2009 5:06 am

عصافير الجنه كتب:
الســـــــــلام عليكــــــــــم

تسمحلى اقولك يا ببلاوى كده بدون القاب



اكيد طبعا تقولي ياببلاوي من غير القاب لاننا هنا كلنا اخوات
ومحدش بيكلم اخواته بالقاب

_________________
ليست مشكلتي إن لم يفهم البعض ما اعنيه..
فهذه قناعاتي .. وهذه افكاري .. وهذه كتاباتي بين يديكم
أكتب ما اشعر به .. وأقول ما أنا مؤمن به ..
ليس بالضرورة ما أكتبه يعكس حياتي ..الشخصية
هي في النهاية مجرد رؤيه لأفكاري...!!
الرجوع الى أعلى الصفحة اذهب الى الأسفل
http://romantic62.yoo7.com
الببلاوى
مشرف
مشرف
avatar

ذكر العمر : 30
المزاج : عال العال
تاريخ التسجيل : 13/05/2008

مُساهمةموضوع: رد: الحب والتكنولوجيا   الخميس يونيو 25, 2009 5:08 am

[quote=" بس اسمحلى 00
كل واحد بيقعد يتريأ على الكلام اللى انتشر فجأه والعبارات التليفونيه اللى ملهاش

لازمه 00 طيب لما الكل بيتريأ امال مين اللى بيقولها ؟؟؟؟؟؟؟

Evil or Very Mad Evil or Very Mad Evil or Very Mad[/quote]
اكيد والله مش انا

_________________
ليست مشكلتي إن لم يفهم البعض ما اعنيه..
فهذه قناعاتي .. وهذه افكاري .. وهذه كتاباتي بين يديكم
أكتب ما اشعر به .. وأقول ما أنا مؤمن به ..
ليس بالضرورة ما أكتبه يعكس حياتي ..الشخصية
هي في النهاية مجرد رؤيه لأفكاري...!!
الرجوع الى أعلى الصفحة اذهب الى الأسفل
http://romantic62.yoo7.com
عصافير الجنه
عضو جديد
عضو جديد
avatar

انثى العمر : 40
المزاج : متقلب ( على حسب )
تاريخ التسجيل : 20/06/2009

مُساهمةموضوع: رد: الحب والتكنولوجيا   الخميس يونيو 25, 2009 5:45 am

هههههههههه

اكيد مش انت والا مكنتش علقت عليها 00

رأيك فى الموضوع واضح وانا فهماه 0

بس فعلا انت اخترت موضوع حلو تتكلم فيه لتانى مره بحييك على موضوعك وطريقتك
الرجوع الى أعلى الصفحة اذهب الى الأسفل
http://ar.netlog.com/mervat20102009
اشرف العايدي
الاشراف العام
الاشراف العام
avatar

ذكر العمر : 48
المزاج : هادىء الطبع
تاريخ التسجيل : 11/08/2008

مُساهمةموضوع: رد: الحب والتكنولوجيا   الخميس يونيو 25, 2009 8:37 am

تسلم يا ببلاوي موضوع جميل بخقة دمك المعهوده بس انا شايف انها حاجه كويسه مش وحشه الذوق في الكلام ده لو سافرت الخليج هتعرف تلاقيه خلص كلامه وقفل في وشك إيه رايك انهو احسن
انا مره كنت في المدينه المنوره ومكتب الشركه الرئيسي في جده وانا فيه بس كان عندي مرور في مشروع في المدينه فصاحب الشغل مهندس كبير أوي متعلم في أمريكا لقيته خلص كلامه وقفل
انا مش متعود اتصلت بيه لقيته بيقوللي خير في حاجه قولتله انت قفلت فجأه من غير متقول سلامو عليكم قاللي اصلي خلصت كلامي قولتله انا لسه مخلصتش وبعدي الإنسان لما يخلص يختم بسلام او حتى سي يو مش مشكله يا ببلاوي بس يكون ليها قفله
تسلم يا حبيب قلبي
وتيك كير وسي يو ومتنساش تعمل تشيك اب
عسل والله يا ببلاوي وبتدي المنتدى جو رااااااااااااااااائع

_________________
الرجوع الى أعلى الصفحة اذهب الى الأسفل
http://romantic62.yoo7.com/forum.htm
الببلاوى
مشرف
مشرف
avatar

ذكر العمر : 30
المزاج : عال العال
تاريخ التسجيل : 13/05/2008

مُساهمةموضوع: رد: الحب والتكنولوجيا   الجمعة يوليو 03, 2009 5:07 am

شكرا لمروركم الكريم

_________________
ليست مشكلتي إن لم يفهم البعض ما اعنيه..
فهذه قناعاتي .. وهذه افكاري .. وهذه كتاباتي بين يديكم
أكتب ما اشعر به .. وأقول ما أنا مؤمن به ..
ليس بالضرورة ما أكتبه يعكس حياتي ..الشخصية
هي في النهاية مجرد رؤيه لأفكاري...!!
الرجوع الى أعلى الصفحة اذهب الى الأسفل
http://romantic62.yoo7.com
الفراشة الزرقاء
Admin
avatar

انثى المزاج : زى الفل
تاريخ التسجيل : 27/03/2008

مُساهمةموضوع: رد: الحب والتكنولوجيا   الجمعة يوليو 03, 2009 5:37 am

كما اعتقدت

مواضيعك رائعة ياببلاوى

مش رائعة بس

انا عارفة نوعية مواضيعك وانت ظهرت وهظهر حقيتك للمنتدى كلو عشان كلو يعرفك على حقيقتك

ونبقى واضحين كده على طووووووووووووووووووووول


انزل معايا




كماااااااااااااااااااااااااان











متقلقش بس عشان تعرف







ياجماعة الببلاوى ده فى الحقيقة هو

صاحب افضل عرض للنصيجة بشكل جميييييييييييييييييييييييييييييل اوى

ودور على المضمووووووووووووووون بتاع مواضيعو

انت متميز جدا ياببلاوى وبقولهالك بصدق

مواضيعك حلوة جدا ووشيقة ومسليه وفيها فكااااااااهة

بس لب موضوعها مهم اوى لانك دايما مع الضحك بيكون فى معلومة حلوة اوى عايز توصلها

عشان كده انت صاحب افضلطرح للمواضيع

بحييك جدا وبشكرك جدا على مواضيعك الحلوة

اما رايى بقى

فعلا الحجات دى كترت اوى

بس الحب لازم يكون موجود

مينفعش نقول مفيش حب
او قللو الحب

ينفع نقول بلاش تظلمو الحب وتشوهو صورتو

الحب بمعناه بقى نادر

مش كل واحد يعرف وحدة يقول حب

ويشتغلها بالساعات وهى كمان

عايز تحب حب

بس لبس الحب الثوب الى يليق بييييييييييييييه

شكرا ليك
ارجو ماتكونش زعلت منى انت اخ عزيز علينا كلنا Smile

_________________


إذا أردت أن تحيا سليمــا من الأذى
وحظك موفور وعرضك صــــــــين
لسانك لأتذكر بـــــة عــــورة امرئ
فكلك عورات وللنـــــــــــاس السن
وعينك إن أبدت أليك مســــــــاوئ
فدغها وقل ياعين للنـــــــاس أعين
وعاشر بمعروف وسامح من اعتدى
وفارق ولكن بالتي هي أحســـــــــــن
الرجوع الى أعلى الصفحة اذهب الى الأسفل
http://romantic62.yoo7.com/admin/index.
الببلاوى
مشرف
مشرف
avatar

ذكر العمر : 30
المزاج : عال العال
تاريخ التسجيل : 13/05/2008

مُساهمةموضوع: رد: الحب والتكنولوجيا   الجمعة يوليو 03, 2009 5:44 am

اولا انا بشكرك علي الكلام الجميل الي انتي قلتيه في حقي يا فراشتنا
وكمان انا مقدرش ازعل منك
وبيتهيالي انك فهمتي الموضوع صح
والي انا عاوز اوصله
ويارب تكون موضيعي بتعجب الاعضاء كلهم زيك

_________________
ليست مشكلتي إن لم يفهم البعض ما اعنيه..
فهذه قناعاتي .. وهذه افكاري .. وهذه كتاباتي بين يديكم
أكتب ما اشعر به .. وأقول ما أنا مؤمن به ..
ليس بالضرورة ما أكتبه يعكس حياتي ..الشخصية
هي في النهاية مجرد رؤيه لأفكاري...!!
الرجوع الى أعلى الصفحة اذهب الى الأسفل
http://romantic62.yoo7.com
الفراشة الزرقاء
Admin
avatar

انثى المزاج : زى الفل
تاريخ التسجيل : 27/03/2008

مُساهمةموضوع: رد: الحب والتكنولوجيا   الجمعة يوليو 03, 2009 5:57 am

ربنا يكرمك

وانا بجد بحب مواضيعك لانك بتطرحها او بتختار المواضيع المطروحة بشكل جميل
ومش ممل

بالعكس شيق وكمان مفيد فى المضمون

ربنا يكرمك يارب

_________________


إذا أردت أن تحيا سليمــا من الأذى
وحظك موفور وعرضك صــــــــين
لسانك لأتذكر بـــــة عــــورة امرئ
فكلك عورات وللنـــــــــــاس السن
وعينك إن أبدت أليك مســــــــاوئ
فدغها وقل ياعين للنـــــــاس أعين
وعاشر بمعروف وسامح من اعتدى
وفارق ولكن بالتي هي أحســـــــــــن
الرجوع الى أعلى الصفحة اذهب الى الأسفل
http://romantic62.yoo7.com/admin/index.
الببلاوى
مشرف
مشرف
avatar

ذكر العمر : 30
المزاج : عال العال
تاريخ التسجيل : 13/05/2008

مُساهمةموضوع: رد: الحب والتكنولوجيا   الخميس فبراير 11, 2010 2:50 pm

شكر ليكي يافراشه المنتدي ياحلي فراشه

_________________
ليست مشكلتي إن لم يفهم البعض ما اعنيه..
فهذه قناعاتي .. وهذه افكاري .. وهذه كتاباتي بين يديكم
أكتب ما اشعر به .. وأقول ما أنا مؤمن به ..
ليس بالضرورة ما أكتبه يعكس حياتي ..الشخصية
هي في النهاية مجرد رؤيه لأفكاري...!!
الرجوع الى أعلى الصفحة اذهب الى الأسفل
http://romantic62.yoo7.com
الببلاوى
مشرف
مشرف
avatar

ذكر العمر : 30
المزاج : عال العال
تاريخ التسجيل : 13/05/2008

مُساهمةموضوع: رد: الحب والتكنولوجيا   الأحد مارس 27, 2011 3:04 pm

الناس راحت فين

_________________
ليست مشكلتي إن لم يفهم البعض ما اعنيه..
فهذه قناعاتي .. وهذه افكاري .. وهذه كتاباتي بين يديكم
أكتب ما اشعر به .. وأقول ما أنا مؤمن به ..
ليس بالضرورة ما أكتبه يعكس حياتي ..الشخصية
هي في النهاية مجرد رؤيه لأفكاري...!!
الرجوع الى أعلى الصفحة اذهب الى الأسفل
http://romantic62.yoo7.com
 
الحب والتكنولوجيا
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
مًنْتُِِّْدًٍيَآتُِِّْ رومانتك عًٍآلمً لآ سٌِِّكَوٍنْ لهٍَ :: ™« Camp REWITY »™ :: طـاولة النقـَـاش-
انتقل الى: