اكيد والدها هيوافق!!!!!!

مش مهم ايه يعنى
ده حتى اى بنت تتمناه
فى كده ده مفيهوش عيب
شكرا لمرورك سيادة اللوا

هههههههههههههههههههههه لاء حلوة كدة ضحكتينى

هههههههههههههههههههههههههههههههههههه
تسلمى يا ايمو

يسلملى مروركم دموع وانا ليك على طول
يا سلام عليا بعرف اضحك اخواتى

ههههههههههههههههههههههههههههههههه
بجد روعه تسلمي يا إيمو وايه يعني المشكله في اللبانه صحيح بدل ما يتقتل
إيمو فاكره كريم في الباشا تلميذ لما الدكتور بيسأله انت جايلنا من أي داهيه قال له 3 دواهي كذا وكذا وكذا 3 جامعات قال له واتفصلت ليه فقال له على كل سبب وآخر حاجه لما قال له ضربت دكتور عشان قال اللي انت قولته بالظبط
تسلمي يا ايمو

اه فاكراها
كان حتة فيلم
بسيونى بسيونى
شكرا لمرورك اللبانة مفيهاش مشكلة عادى
بيتهيالى باباها هيفتحله مصنع لبان

كنا بنعمل مدرسة بنات ومسجد في ينبع في السعوديه في شركة ينبت البتروكيماويات السعوديه
yabbu petrochemical
وكان مدير المشروع اسمه المهندس بسيوني وكنت أنا مهندس التخطيط بتاع المشروع وعلى سعد مهندس الموقع تاني يوم جه المهندس بسيوني بيقول لنا شوفتوا بسيوني إيه رأيكوا فيه على قال له بسيوني بسيوني
على ده ليه موقف لذيذ أوي مره كنا في مطار جده وشوفنا محمد نجم كان بيعمل عمره راح على جري عليه إزيك يا استاذ محمد وعامل ايه والتاني بيكلمه عادي قال له ايه ده مش فاكرني شكلك مش فاكرني قال له مش واخد بالي قال له بجد مش فاكرني قال له فكرني بنفسك قال له اييييييييييييييييييه شفيق ياراجل

ههههههههههههههههههههههههه
لا بجد دمهم زى العسل
وعاوز تدخل شذا علوم
لا خليها معاك وهى هتتعلم خفة الدم لوحدها
مش معقول يبقى عندها اب كده وتتعلمها من بره

تسلمي يا غاليه
انتي لو قعدتي مع الجروب بتاعنا اللي في السعوديه مش هتقدري تمسكي نفسك من الضحك
طيب أقوللك على موقف
في السعوديه وزارة الشباب بتسيب أراضي للشباب يعملوهم ملاعب
المهم اخدنا أرض وساويناها وخططناها وحطينا العرض والشبك وقعدنا زياده عن 10 سنين نلعب فيها ومعروفه انها ملعبنا بس بدون أوراق
احنا ماشاء الله كلنا معتزلين يعني مفيش غير 3 او 4 اجسامهم كويسه الباقي تخان أوي
المهم جينا في يوم ننزل الملعب لقينا افارقه واخدينه نزلت انا وواحد اسمه ناصر وواحد اسمه سيد احسن ناس بنتكلم إنجليش في المجموعه المهم غلبنا معاهم اننا نطلعهم مفيش فايده الآخر اتفقنا على ماتش بيننا وبينهم دي آخر المفاوضات فجه واحد صاحبنا مدير مراجعه من أجا برضه تخين أوي وليه كرش راح إتكلم مع الكابتن بتاعهم قال له عاوزين نلعب ده ملعبنا احنا رد عليه الأفريقي بأه برضه انت شكل لعيب شوف انت جسمك ازاي وانا جسمي ازاي فأحمد رد عليه قال له ما هو انا لازم انزل انا الملعب عشان يبأه جسمي زيك

انا لو منهم كنت سيبت الملعب
انا مش قده وبعدين الافارقة دول لو حد نفخ فيهم يطيروا
بيقاوحوا كمان
مستغنين عن عمرهم
بس انا مش محتاجة اقعد مع الجروب كفاية ان دمك عسل عشان المواقف دى

الله يخليكي يا غاليه
ولو أنا دمي عسل تبأي انتي إيه بأه

بما انى مش بحب العسل
ممكن
مش عارفة
بس اصحابى بيقولوا انه عسل بس بيتريقوا عليا

اقوللك حاجه صحيح
شذا بتاكل السلاطه وتملا بطنها ومتاكلش اللحمه والرز والخضار
من يومين كده
احنا بنفطر عند ماما تحت كلنا في رمضان
فدخلت لقيت شذا واقفه عالسفره بتاكل سلاطه فلما شافتني قالتلي بابا انا بس بادوق القوطه قولتلها طب دوقي الرز وروحت واخد معلقة رز وحطيتها في بقها قالتلي أساساً الرز طعمه وحش
واخده بالك من أساساً
قبلها بيومين لؤي ابن عمها كان بيفطر عند خاله ومرات خاله اديتله كنافه وسألته ايه رأيك يا لولو هو في كي جي رد قاللها تظل بسبوسة ماما أيمن هي الأفضل ماما أيمن دي مامتي أنا يعني تيته بتاعته وجت التسميه ازاي خيلاني الكبار واعمامي بيقول ليها يا أم ايمن علشان اخويا الكبير اسمه ايمن الله يرحمه فمريم بنتي أختي كانت لسه يا دوب بتعرف تتكلم
فكانت بتناديها ماما أيمن

ماشاء الله عليهم
شذا دى حتة سكرة
بس السلاطة بتخسس لوحدها
اقولك مشيها بالاغراء
لو اكلتى الرز هوديكى السندباد
لو اكلتى اللحمة هوديكى النادى
كده احسن

والله فكره يا إيمو أعمل معاها كده
انتي ايه اللي عرفك اننا جمب السندباد
تخيلي 5 دقايق مشي

لا انا مش عارفة
انا قلتها بالحظ كده
انا بقى ساعتين ونص بس مش مشى
لا راكبة
اى خدمة بس تبقى تاخدنى معاها
انا هقوم اطبخ دلوقتى
ســـــــــــــلام

اكيد طبختي السمك واتاكل بالهنا والشفا

جميلة جدا داجواز بالاكراه بقى