فى مره سمعت حلقه للمذيع :مفيد فوزى واحده اتصلت بيه
بتقولوا: انا يا استاذ حضرت الماجستير فى فتره زمنيه قياسيه
روحت عشان اقدم على الدكتوراه العميد
قالى : بلاش كلام فاضى الستات اخرها بيوتها
مفيد فوزى قلها : صلى على النبى و اشتغلى رقاصه
لم اكن اتمنى ابدا انا اعود لقسم النقاش من جديد بموضوع بشئ مستفز
و خصوصا لو كنت من اصحاب الاحلام المغموسه فى المهد
او من اصحاب الاقلام المغموره
احب اطمن كل واحد بيعرف يكتب ان مش المشكله الوحيده انو فى بلد عربى لا يقرا
ولا ان البلد بتهتم بالسينما و التلفيزيون و الرقص و الغناء فقط
ولا برده الوحيد انو قعد يقراء كتير عشان يبقى ليه اسلوب محترم
و و تكبر فكره الكتابه فى دماغك تبقى عايز تكتب فى اى جريده
او حاته مجله الحائط او حتى لوحه اعلانات العماره
المشكله الاساسيه و الجوهريه و اللى انا مكتشفتهاش غير من قريب
انك مش( تامر حسنى ) الفتى الخارق بيغنى و يكتب اغانى و افلام و بيمثل و يرقص و يلحن
اخيرا اخيرا بيكتب فى جريده الاهرام
جريده الاهرام الجريده الاولى فى مصر اللى كتب فيها اكبر الكتاب
عبد الوهاب مطاوع و نجيب محفوظ و العقاد و طه حسين و توفيق الحكيم و زكى نجيب
و الخبر نزل على النت من فتره و الشباب هاجوا و ماجو وبدئو يفكروا فى الهجره
و اقترحت فتاه ان يقوم كل شاب بتربه شعر صدروا و يهرب من الخدمه العسكاريه
_ وانا احب اوصل لكل شاب هيمشى على الخطه دى كلنا وراك هنتظاهر متقلقش-
و الاخير بقى قال: ده انا بعرف اكتب و خطى حلو يا بلد ولا اكمن حوجبى رفيعه و مش بتنحنح
وانا فعلا لست ضد تامر حسنى على الاطلاق بس ضد مؤسسه الاهرام المقال ده معداش على مصحح لغوى واحد
بس الشهاده لله الاخ تامر كتب مقاله على قد لحافو قصدى معلوماته
و المقاله تحت عنوان (حكيم اخر الزمان)و بصراحه هو كان عايز يوصل حاجه من المقال
هي ايه ؟الله اعلم . المعلومه الوحيد اللى خرجت بيها انا العلم نور
وواحد صحبى لماح قال لي هما اكيد طلبوا منو يكتبوا كده عشان يبين للشباب و الاطفال
قد ايه المعرفه و العلم مفيدين حتى لا نصل للاخطاء اللغويه الجسيمه اللى كانت فى المقال
بس يا جماعه نشدوا معايه كل المسئولين انهم يعمللنا مضاد للصدمات
و بدعى ربنا يجعل يومى قبل يوم المقال اللى ممكن نلاقى عنوانو
شمس المعارف للمغنى حجرين على الشيشه
الجمعة يوليو 23, 2010 6:05 am
