كيف تكون رزل في الجامعه

............... (( كيف تكون رزل فى الجامعة )) ..................

فى الكلية هتقابل صاحبك وهتقعدوا على أى كافيه هيجى الجارسون

سيب صحبك يطلب الأول وبعدين استلم الجارسون بقى واديله نصيبه

قوله عندك برجر ؟ هيقولك اه

قوله حلو ؟ هيقولك تمام

قوله اوك يبقى اكتب واحد شاورمة

طب عندك كبده ؟ هيقولك ايوة

قوله معمولة ازاى ؟

سيبه يرغى شوية وبعدين قوله انا اصلا مبحبش الكبدة فكك

حاول تطلب حاجات غريبة زى سندوتشات حلاوة طحينية على اساس انك فى سجن أبو زعبل

أو سندوتشات بيض أو بتنجان أو لبن العصفور أمسك فى الحاجات اللى مش موجودة كلها

المهم حاول تجيبله جفاف عقبال ماتطلب اللى انت عايزه

وأنت بتاكل بقى أتسلى على المخلل اللى مش عاجبك أرميه على التربيزة أنت وذوقك بقى

لو معاك كاتشب مفيش مانع تكتب أول حرف من اسمك على التربيزة المهم تخليله التربيزة شبه التورتة

ومتنساش تعيب على الأكل وأنت بتحاسب وكمان تقول الحساب غالى

فى المدرج أرشق نفسك بين أتنين متعرفهمش وابتدى الشغل بقى أتعامل على إنك صاحبهم من قرن

يضحكوا على حاجة اضحك معاهم كده يعنى المهم تركز معاهم كأنك من بقيت أهلهم ولا خلفوك ونسوك

أو طريقة تانية أتلكك لكل اللى جنبك كل ماحد ينطق كلمة قوله لو سمحت أسكت عشان أفهم

لو مسكتش أنا هقول للدكتور والحركة دى رذلة ومستفزة جدا كيف تكون رزل في الجامعه Smile

وياسلام لو واحد وواحدة يبقى أنت كده جبت من الآخر

وطبعا اللى بيبقوا حجزين مكان دول اوعى تسيبهم فى حالهم تلاقى الواحد حاجز 5 او 6 اماكن

دة تعمل معاة اية تروح البينج اللى وراة طبعا كلة هيقولك رايح فين قلة ثوانى هعدى بس

وقوم مرة واحدة ناطط على البنج اللى قدامك واقعد بوضع اليد يقولك حاجز قلة احنا فى سينما

يزق ميزقش اعمل ولا اكنة بيتكلم ويا سلام لو تطلع الموبيل وتلعب جيمز او تشغل نغمات

وخلية بقى يورينا هيقومك من مكانك ازاى وياسلام بقى لو جبت حد من صحابك وقعدتة معاك كيف تكون رزل في الجامعه Smile

لو جنبك واحد بيكتب يبقى اتفتحتلك طاقة القدر اقعد اسأله وعطله ومتخليهوش يكتب سطرين على بعض

استلم أى حد واسأله المحاضرة هتخلص امتى ؟ وكل ثانية كده اسأله الساعة كام اصل أنا زهقت

طبعا هو اللى زهق وطهق من الكلية وبيقول ياريتنى ماكملت تعليم وكره حياته كلها زى باقى الضحايا

عايز تعمل دماغ حلوة روح على شباك شئون الطلبة المهم حاول تعمل أهبل وأنت داخل وعايز تقف أول واحد

هيرجعوك ورا تحاول تقف مكان أى حد وترذل على كله هما أصلا بيبقوا واقفين مش طايقين نفسهم

لو واقف تانى واحد كده مفيش مانع تزق اللى قدامك تلبسه فى الشباك الحديد

وتقول الله ياجماعة ياللى ورا متزقوش ومن قبل ماينطق ولا كلمة تقعد تقوله خلص يالا عشان غيرك

ومتخليهوش يركز مع بتاع شئون الطلبة خالص لما يجى دورك بقى بيبقوا عايزين يخلصوك ويكروتوك

واللى واقفين وراك فى الطابور مستنينك تغور فى داهية بفارغ الصبر

خد وقتك كأنك بتحجز فى سينما و اسأل أسئلة كتير وكل مايقولك حاجة قوله مش فاهم معلش قول تانى فهمنى

أعمل أيه بالظبط لحد ما تجيب شلل لأكبر عدد ممكن من الضحاية

لأ بجد يا ببلاوي زي تمللي غتيت بتاع كرومبو تسلم يا جميل

هههههههههههههههههههههههه
والله العظيم فى غاية الرزلة لوان مكان اى واحد
من الضحايا اكيد هعمل حاجات كتيرة فية مش كويسة
شكــــــــــــــــــــــــــرا لك اخى الغالى

هههههههههههههههههههههههههه بصراحة انا بيقابلنى ناس بشعة بالصفات دى منتها البرود يا اخى مش بلاقى حل معاهم غير حلين لو انا مضايق ساعتها بتلككله واضربة اما لو كنت رايق ببقى ارخم من مامتة
اشكرك على موضوعك عشان اى حد رزل يعدل من نفسة

انا ليك على طووووووووووووووول

زائر

لا تملى غتيت ارحم منه حبة
تسلم

الله بجد أنا فى الجامعة بعمل كدا بس مع اللى يستحق كدا فى بنات رزلة كتتتتتتتيييييييييير
ومش بينفع معاهم غير كدا وبزهقهم كتيييييييييير
بس فى الآخر بنتصاحب
ما محبه الابعد عداوة

» هل تفضل أن تكون مجنونا مع الناس أو أن تكون عاقلا وحدك ؟؟
» لفتاوي الجامعه للمرأه المسلمه - معلومات هامه لكل مسلمه تحافظ على دينها
» كيف تكون حكيما ؟؟؟
» من الذكاء أن تكون غبيا في بعض المواقف
» ما اصعب ان تكون الأخير