فيه قمر غايب عن المنتدى

دايماً بيقولوا آخر العنقود
ايه اكيد سكر معقود
وغلاوتها عندنا مالهاش حدود
وعشان هي اجمل الورود
نحس بغيابها ولو الوقت محدود
ارجعي يا ايمو ونوري الوجود
وصبرنا على غيابك وصل الحدود
وربنا عالم غلاوتك وكل مخلوقاته على ده شهود

معلش يا استاذ اشرف انا بقالى فترة مكنتش بدخل المنتدى ومعرفش بجد ايه الحكاية وليه ايمو مش بتدخل

هى زعلانة مننا ولا حد دايقها فى المنتدى

ويا ريت يا جماعة نبقى كلنا يد واحدة واسرة واحدة فى بيتنا ومنتدانا الجميل ده

ويا ريت ترجع تانى وتشاركنا

لا يا أختي ربنا مايجيب زعل انا مش عارف ايه السبب يمكن النت يكون فيه مشكله احنا بس بنطمأن عليها ويارب يجعلنا اخوه متحابين دايماً وتسلمي يا غاليه

وسعوا يا جماعه القمر بتاعنا وصل كل يوسع

قمر وبعدين هما يومين بس اللى مادخلتش فيهم
ده بس من ذوقك استاذ اشرف
انا كويسة الحمدلله
هما كانوا شوية برد بس جامدين شوية
وانتوا كلكم وحشتونى اوى
والبيت منور من غيرى مادام كل الغاليين موجودين
بس برده مش بقدر ابعد عنكم
تسلمولى يا احسن اخوات فى الدنيا
يارب يبارك لى فى عمركم
وشكرا على اجمل كلام منكم

الف سلامه عليكي يا ايمو
بس عارفه احسن علاج للبرد تقوية المناعه
ازاي
فيتامين سي
العسل الأبيض
الزنجبيل
حبة البركه
فيه خلطه انا مخترعها لذيذه اوي للبرد
نجيب ميه ونحط فيها زنجبيل ونغليها
ونصفيها
ونستني لما تبأه دافيه نقدر نشربها
ونعصر عليها ليمونه وملعقة عسل نحل كبيره
وبالشفا
نورتي المنتدى يا ايمو
واللوجو جميل أوي

خلطة جميلة
بس للاسف مش بحب العسل الابيض خالص
ولا حبة البركة
بس تعرف لو يويو تعبت وده بعد الشر طبعا ويا رب ماتتعب ابدا
هجربها عليها
تسلملى نصايحك

الف سلامه عليكي وعليها
طيب خليكي في عصير البرتقال والليمون والجوافه
والسوايل والشوربه

الف سلامه عليكى وحمدلله على سلامتك

وربنا ما يحرمنى منكم

القمر كان غايب ورجع وهل علينا من تانى
والف سلامة عليكى

وانتي يا همسه قمر تاني غايب دلوقتي ياترى انتي فين مين يعرف أخبار عنها يا جماعه ياريت تطمنونا عليها