طمنونى على الحبايب

السلام عليكم ورحمة الله وبركاته

حبيت انزل اليوم موضوع من افكارى هو طمنونى على الحبايب الموضوع دا عشان نطمن على بعض من حين لاخر ونعرف اخبار بعض بما اننا اسرة واحدة احتمعنا على الاخوة والحب فى الله انا عارفة ان المنتدى مش شغال كويس وكل منا عنده ظروفه
لاكن مهما ابتعدنا فهنا بيتنا نسال على بعض لو دخلنا


وانا اول واحدة بسال على اخى الباحث يا هل ترى غائب ليه اتمنى المانع خير

وبالنسبة لمساهمة اشرف العايدى اللى انا حزفتها عن طريق الخطا اتمنى انو ميزعلش هو واللواء


وبردو اتمنى دعواتكم الغالية لى انا حزفت الموضوع بتاعى

لانى اريد الدعاء غير مكتوب عندما تتذكرونى فانا فى امس الحاجة لدعائكم بجد

والله يرحمنى بقا ههههههههههه

و طلبك يا لوا هعرضو على الرئاسة العليا ههههه
وكمان عايزة اطمن على يويو طبعا اللواء هيقوم بالمهمة دى
متنسوش تطمنونى

ربنا يبارك فيكي يا راجية ويقدرك ويعينك على اولادك
ومتزعليش ومتتخضيش ده رزق من عند ربنا
فالمال والبنون زينه الحياة الدنيا

كمان عايز اقولك حاجة ممكن اولادك اللى انتى مخضوضة بسببهم يكونوا هما السبب فى دخولك الجنة ودخول ناس كتيرر غيرك كمان ممكن يكونوا سبب فى صلاح الامة والمجتمع ممكن يطلع واحد منهم صلاح الدين او عمر بن عبد العزيز او الشعراوي بس انتى احسنى تربيتهم ووربنا يعينك
ويطرح فى اولادك البركة وتشوفيهم احسن ناس فى الدنيا كلها

اما عن فترة غيابى فانا كنت مشغول شويه فى الشغل وتعبان شويه والنت مفصول شويه كله مع بعضه بس الحمد لله رجعت تانى لاسرتى احلى اسرة فى الدنيا ويارب الكل يرجع تانى

وموضوعك ده فعلا موضوع مميز وجميل جدا ياريت تثبتيه

السلام عليكم ورحمة الله وبركاته
كل سنه وانتم جميعا بخير وبصحه جيدة وعيد مبارك علينا جميعا
ازيك يا بيدو يارب تكوني بخير انتي والاسرة الكريمة والاخوة جميعا
موضوعك غاية في الجمال وبيدل علي روح العائلة المتواجدة ما بنكم
فانتم نعم الاخوة والاصدقاء
انا ما كنتم معاكم الفترة الماضية بس كل فترة بدخل اشوف احوالكم
انا شايف ان اولاد راجية فيهم شيء ياريت تطمنينا عليهم
وربنا يشفهم ياررررررب
وكل عام وانتم جميعا بخير

حلو الموضوع ويستحق التثبيت

وحمد الله على السلامة اخى الباحث وربنا يكون فى عونها اختى بيدو

الحمد لله انك رجعت من تانى يا سامح ونورت المنتدى واعطيته حركة

والله يا سامح كلامك بتاع قبل كدا بيرن فى ودانى وكل ما احس انى محبطة افتكرك وكلامك يعطينى عزيمة ودفعة للامام انا عارفة كلامك دا صحيح كله واملى من ربنا انو يباركلى فى اولادى ويجعلهم من الصالحين بالرغم من حاجات كتيييييييييييييييير بتواجهنى فى تربيتهم لاكنى بحول زى ما قولت وهحاول ومش هياس وربنا يعنى على اللى جاى مع انى خايفة موت وحاسة ان نهايتى قربت وكمان حالتى النفسية تحت الصفر لاكنى بقول قل لن يصيبنا الا ما كتب الله لنا
ومين عارف يمكن خير الله اعلم


يارب يا سامح يارب

بشكرك على كلامك الجميل



شكرا يا همسة

اشكرك يا ايمن احنا كويسين ولله الحمد وولادى بخير

وكل سنة وانتو طيبين وربنا يجعلو عيد سعيد على الجميع

بالنسبة لموضوع التثبيت عشان اى موضوع انا ثبت مواضيع قبل كدا لاكن حاليا مش عارفة مش لاقة كلمة مثبت اللى بثبت منها اى موضوع انا وعدت اللواء انى هثبتلو موضوع الخطوبة لاكنى معرفتش مش عارفة حصل ايه هل دا مرتبط بالاستايل ولا ايه مش عارفة
وكمان مبقتش رايقة حقيقى للمنتدى زى زمان ياريت تعزرونى وتحاولو انتو اخى الباحث واللواء

لوحة الادارة معاكو اعملو ما بدا لكو انا قربت اعتزل عن النت خالص ودا غصب عنى والبركة فيكو انتو

لو انتى اعتزلتى النت
اولا احنا اسرتك اللى بتفضفضى معاها ساعاتها بقا هاتفضفضى مع مين

ثانيا انتى ليكي دور مهم جدا فى المنتدى وانا عن جد بحب جدا مواضغيك وبحب جدا ارائك عايز اقولك ان كتير من مواضعيك هى اللى بتجبرنى انى اخش وارد واشارك حتى لو انا مش رايق او مش فاضى


ثالثا الكلام ده مش انا لوحدى لا ده كل المنتدى كده

رابعا انتى عمود اساسى فى المنتدى لو سبيته يبقى المنتدى لا محال هايقع


خامسا بقا نهون عليكي تسيبنا كده


سادسا بقا انتى ليه حالتك النفسية سيئة علشان المسئولية ؟؟ مفيش حد خالى من المسئوليه اه انا معاكى مسئوليه عن مسئوليه تفرف لكن الاولاد لو كانت مسئوليه فهى احلى مسئوليه ربنا يبارك ليكي فيهم وتشوفى نتيجة ثمرتك تشوفى الدكتور والمهندس والسفير وكل حاجة حلوة

اصبري اصمدى وان شاء الله هاتشوفى نتيجة ده حاجة هاتنبسطى منها جدا

بالتوفيق جميعا اخواتي الاعزاء وكل سنه وانتم بخير وبسعاده
كلامك صح اخويا سامح ربنا يبارك فيهم ويبارك لكل واحد مننا في اولاده
بس ياريت حد يطمنا علي اخويا اشرف العايدي بقالي كتير مش بشوفه
ولو حد بيكلمه يقوله ايمن بيسلم عليك

انا مش هقولك شكرا على كلامك لان الشكر مش كفاية

بس انت بتبسطلى الموضوع خالص لانو واقع مفيش حد عايشة الا انا

ومفيش حد حاسس بيه غيرى

انا غصب عنى مش هقدر اشارك زى الاول لاكن طبعا لازم ادخل عشان اشفكو لازم لانى بحبكم كلكو ومش هقدر اغيب نهائى لاكن اتمنى منكم الدعاء لى

ولكم تحياتى جميعا وعيدكم مبارك

وانتي بالصحة والسلامة يا همسة

وانتى طيبة يا هموسة

فعلا اشرف غايب وواحش المنتدى كتير ربنا يطمنا عليه

تسلمي يا بيدو يارب
وأنا بخير الحمدلله ومحتاج دعاؤكم

يارب دايما بخير وربنا معاك يارب

انا بعتلك رسالة يا اشرف وانت قرتهاش ابقى شوفها
ازيكو جميعا يا غاليين

كل سنة وانتو جميعا بخير بمناسبة عيد راس السنة الهجرية

اللهم لا تطوي صفحة آخر يوم من عامنا الهجري هذا إلا وقد سترت عوراتنا ومحوت سيئاتنا وقبلت توبتنا وفرجت همومنا واستجبت لدعواتنا وأصلحت أبنائنا وغفرت لموتانا .. اللهم أجعل عامنا الجديد هذا عام نصر وعز وخير وفلاح ونجاح .. اللهم إني عفوت عمن ظلمني فاعفو لي عمن ظلمت</FONT>

حاضر يا أختي الغاليه هقراها بإذن الله

وحشتوووووووووونى خاااااااااااالص
اعزرونى لعدم دخولى بس بجد نفسى اكون معاكم بس غصب عنى دعواتكم لى حتى يفرج الله همى وكربى

اللهم فرج همك وكربك يا طائرنا

ربنا بخلبك يا اشرف

المنتدى نور يا طائر وربنا يفرج همك يارب

ازيك باغاليه وحشنى موت عامله ايه

المنتدي كله وحشنى اووووووووووووووووووووووووووووووووووووى


ازيكم اجمعين

الحمد الله على كل حال
كلنا بخير انتى اخبارك ايه والله وحشانى مووووت

ياسلام هي دي الحاجات إلي احنا فقدنها من زمااااااااان

شكرا لك يا نادين

شكرا لك يا طائر يا حزين

ولو إني مش عارف انت راجل ولا ست

وبرضه مش عارف انت حزين ليه؟

هههههههههه

شكرا لكم جميعا

هههههههههههههههههههههههههه
زي ماتحب انا بنت ولا تزعل

انا بقه عن الحزين فهزا لقب يعنى
والحمد الله على كل شيئ

ويارب كل المنتدى يعود تانى على خير

فينك يا اشرف

والباحث والفراشه وكل الحبايب عشان منساش حد يزعل منى
وشكرا لك ياخ خالد

طيب ياست طائرة

تشرفنا بيك

ونتمنى نشوفك على طول

وحشتيني قووووووووووووي يا نودة والله زمان المنتديات من جديد انا كمان بتمنا المنتدي يرجع زي الاول وسلامي للجميع ايمن فرج

القمر كل يوم بيزيد حلاوة ربنا يسعدك يا قمري

منورين جميعا

وحشانى يا نادين

يارب يكون الجميع بخير ياااااااااااااااااااااااااااااااااااااااااااااااارب

يعني إيه كل واحد وواحدة واحشاني وحشاني
طيب قدمو موضوعات جديدة في المنتدى
ولا رأيكم إيييييييه؟

كل سنه وانتي طيبة يا بيدو وحبيبة قلبي نادين

ده انت جامد قوي
تقولها حبيبة قلبك كدة مره واحدة قدمنا كمان؟!.

اكيد طبعا نادين كل حاجة ليا ربنا ما يحرمنا من بعض وحضرتك مضايق ليه ؟؟؟؟؟؟؟؟؟؟؟؟؟؟

ياسلام يعني شيئ طبيعي واحد يقول لواحدة كدة عادي مفيش حاجة؟
وتقولي انت مضايق ليه
وتحطلي 14 علامة استفهام
دي يعني طيبه زياده عن اللزوم ولا حاجة تانية؟

لانك متعرفنيش والا تعرف من نادين يبقي ملكش حق تسال والا تتكلم في الموضوع يعني في مثل بيقولك من تدخل فيما لا يعنيه كمله انت بقه

بيدوووو كتب:

منورين جميعا

وحشانى يا نادين

يارب يكون الجميع بخير ياااااااااااااااااااااااااااااااااااااااااااااااارب

دانوررك حبيبتي الغالية

وانتي واحشاني اكثر

احنا بخير اكيد بشوفتكم

وامانة سلامي للفراشة الها وحشة والله

يا اخي يا برنس

أنا فعلا معرفكش
ولا أعرف أختنا نادين

ولكن إلي أنا بعرفه إنك لا يصح أن تتكلم معي بهذه الطريقة
وإنت لو مسلم يبقى لابد أن تعرف أن الله تبارك وتعالى يقول

وَلْتَكُن مِّنكُمْ أُمَّةٌ يَدْعُونَ إِلَى الْخَيْرِ وَيَأْمُرُونَ بِالْمَعْرُوفِ وَيَنْهَوْنَ عَنِ الْمُنكَرِ وَأُولَئِكَ هُمُ الْمُفْلِحُونَ

وغيرها من الآيات الكثيرة بالقرآن

وعن النبي صلى الله عليه وسلم قال
"لتأمرن بالمعروف ولتنهون عن المنكر، أو ليوشكن الله أن يبعث عليكم عقاباً منه، ثم تدعونه فلا يستجاب لكم"
وأيضا
"إن الناس إذا رأوا المنكر ولم يغيروه، أوشك أن يعمهم الله بعقاب من عنده"

بل إن كانت أختك ولم نعلم نحن فعليك أن تخبرنا بلطف وإليك هذه القصة التي حدثت مع أشرف خلق الله صلى الله عليه وسلم
تروي السيدة صفية زوجة الرسول أنه كان رسول الله صلى الله عليه وسلم معتكفا فأتيته أزوره ليلا فحدثته ثم قمت فانقلبت فقام معي ليقلبني ( أي يوصلني ) وكان مسكنها في دار أسامة بن زيد فمر رجلان من الأنصار فلما رأيا النبي صلى الله عليه وسلم أسرعا فقال النبي صلى الله عليه وسلم على رسلكما إنها صفية بنت حيي قالا سبحان الله يا رسول الله قال إن الشيطان يجري من الإنسان مجرى الدم فخشيت أن يقذف في قلوبكما شيئا أو قال شرا

فنحن كمسلمون التدخل فيما لا يعنينا هذه من المسائل الشخصية الداخلية الغير معلنة ولكن إذا رأينا ما يريبنا أو شيئ نظن أنه لا يرضي الله ورسولة صلى الله عليه وسلم فواجبنا النصح وإلا يغضب علينا ربنا جميعا والعياذ بالله.

وأنت في النهاية في سن مثل أولادي وأنا أنصحك ولم أخطأ فيك
فلا أعلم لماذا ترد علي بهذا الإسلوب؟

اسلوبك جميل وعجبني جدا اخ خالد بس كان نفسي من البداية تتكلم بالطريقة الجميلة وما تخدني في طريق تخليني اتعصب
ياسلام يعني شيئ طبيعي واحد يقول لواحدة كدة عادي مفيش حاجة؟
وتقولي انت مضايق ليه
وتحطلي 14 علامة استفهام
دي يعني طيبه زياده عن اللزوم ولا حاجة تانية؟

لو لغتك احسن من كدة كنت عرفت افهمك وارد عليك بطريق كويسة عموم انت زي والدي الله يرحمه وشكرا ليك

شكرا لك
وأرجو من الله ان يعينني على أن أتلطف في كلامي أكثر من ذلك
كما أسأله أن يهديك إلى ما يحب ويرضى