محمد الجنتل
مشرف مميز
 العمر : 43
المزاج : رايق
تاريخ التسجيل : 11/12/2008
 | موضوع: إزاي نحب صح عشان ماننجرحش .. تعالوا نشوف  الجمعة ديسمبر 12, 2008 11:45 pm | |
| بسم الله الرحمن الرحيم
إزيكم يا رب بخير
كنت بافكر في الموضوع دا إمبارح و ماعرفتش أنام بسببه
كلنا طبعا بندور علي الحب و دي تقريبا القضية الأساسية في حياتنا
و بنفكر في الطرف التاني من و احنا ممكن في ثانوي و في ناس قبل كده كمان
و بيكون نفسنا نلاقي حب بجد ..
في منا بيحب و في كان بيحب و في لسه ما حبش أصلا
و كل ما بنكبر بنخاف أكتر من الحب من حكايات بنسمعها
من قصص ممكن نكون طرف فيها و بنخاف ننجرح .. دا طبيعي كل ما بنكبر مداركنا بتكبر
و بنعرف خبرات أكتر و بنكون آراء مختلفة ..
و بجد أنا فكرت في الموضوع دا عشان أخواتي اللي لسه هيختاروا أو محتارين و رغم بلاقي الأغلبية
بيحبوا لكن لو حد واحد استفاد من كلامي هاكون فرحان .. و برضه نتناقش
زي ما قلت في الأول
من واحنا لسه تفكيرنا ما كتملش بندور علي الحب
و دي النقطة الأولي اللي أحب نتكلم عنها
التــــــــسرع
بنتسرع في اختيارنا و دا بيكون السبب الأساسي في جرحنا
لأن التسرع و اللهفة دايما سبب الخطأ
و الحـــــــــــل
إننا نعرف إن الحب و الارتباط قدر لما يجي ما حدش يقدر يمنعه
مانسعاش وراه أو مانكنش عايشين بس و منتظرينه و بندور عليه في أي حد
هو اللي يجي لنا لوحده ..
طيب دلوقتي احنا ماسعيناش و جه و انجرحنا برضه
لأن الطرف التاني كذاب أو مخادع أو غيره
هنا بقي نيجي للنقطة التانية
الاختيـــــــــــار
الحب عبارة عن اعجاب في الأول
و بعدين تراكمات من المواقف و المشاعر الإيجابية أو السلبية
يا الحب يزيد لو كانت مواقف و مشاعر طيبة و العكس
بدليل إن في كتير جدا جدا بيفتكروا إنهم بيحبوا و ما يقدروش يبعدوا عن الحبيب
لكن بسوء المعاملة أو عدم التقدير الحب بيروح
لأن مشاعر الحب الأولي زي النبتة بتكبر لما نرويها
يعني ما فيش حاجة اسمها هاموت لو ما ارتبطتش بالانسان دا
و بيكون الحب لسه في الأول ماعرفوش حاجة عن بعض توصل للمرحلة دي
باقول الكلام دا عشان ممكن حد يقول الحب ما فهوش اختيار
لا فيه اختيار
و الاختيار مهم بدليل لما حد حب حد اختاره قبل ما يقول له
والاختيار لازم يكون فيه عقلانية طبعا مع وجود المشاعر الأولي
بعد كده
لازم نكون عارفين احنا عاوزين إيه
و محددين هنقدر نعمل إيه
بعد اختيارنا
يعني الشاب اختار حبيبته و البنت اختارت أو وافقت
كل حد منهم قبل الموافقه علي الحب يكون محدد خطواته الجاية
يعني مش أنا معجب بيكى أو العكس و نضييع في أيام و يمكن سنين الاتنين بيحبوا بعض فيها
لكن مش عارفين بعد كده هيعملوا إيه
النقطة دي هتخلي البنات تتفادي كتير من الخداع من بعض الشباب
النقطة المهمة جدا جدا اللي عاوز أتكلم فيها في الاختيار
إنه يكون علي أساس أهداف احنا محددينها
طبعا الشئ المفروغ منه اني أحب حد يعني هيكون زوجي أو زوجتي
طيب في الأول هل احنا محددين هدفنا من الزواج الل علي أساسه هنختار شريك حياتنا
يعني أنا عاوز إنسانه تساعدني علي طاعة ربنا
أو مثلا بلنسبة للبنات عايزة إنسان يساعدها على تربية اولادها بحيث يكونوا ثمرة مفيدة
دا المفروض يكون أساس اختيارنا " هدفنا من الزواج "
أنا هارتبط بالانسان دا هل هو هيقدر يساعدني علي تحقيق هدفي ..
لازم نكون محددين هدفنا
قدرت ألاقي الإنسان اللي شايفاه أو شايفها شريكي \ تي في الحياة
و حددت هدفي و ووافقت بناء علي مشاعري و تفكيري
لو التعارف كان عن طريق الأهل دا هيقلل من الخسائر أو المتاعب
و برضه النقطة دي نطبق عليها اللي فات
لازم توافق و تفكير ووجود مشاعر و تحديد هدف و مواصفات
لو التعارف عن طريق الحياة بعيد عن الأهل
دا اللي بيكون سبب في مشاكل كتير
نتكلم هنا شوية
أنا طبقت الكلام اللي فات خلاص
يعني اخترت و .. و ..
يبقي فاضل إيه لازم الشاب يتقدم للبنت علشان كمان هي تضمن إنه مش بيهزر
مع إن الأساس في الاختيار من الأول بيكون محدد النقطة دي و إنها هتحصل
لكن الإطالة في الوقت من غير خطوة رسمية مش حلو
لو الشاب امكانياته مش تسمح ممكن يتقدم برضه لكن الموضوع يكون في النور
لو مارضاش يبقي البنت تعرف إنه مش جاد و تبعد من الأول
لكن أعتقد لو طبقت الكلام اللي قلته في الأول
مش هيحصل كده بإذن الله
ـــــــــــ
بعد كده أي فشل في العلاقة دا هيكون قدر و ابتلاء
ماقدرش اتكلم عنه
ور بنا يعافينا جميعا | |
|
كريم
شخصيلت هامة
العمر : 39
المزاج : فل
تاريخ التسجيل : 25/11/2008
| | موضوع: رد: إزاي نحب صح عشان ماننجرحش .. تعالوا نشوف السبت ديسمبر 13, 2008 9:44 am | |
| | |
|
محمد الجنتل
مشرف مميز
العمر : 43
المزاج : رايق
تاريخ التسجيل : 11/12/2008
| | موضوع: رد: إزاي نحب صح عشان ماننجرحش .. تعالوا نشوف السبت ديسمبر 13, 2008 6:02 pm | |
| | |
|
زيزو
مشرفه
تاريخ التسجيل : 01/04/2008
| | موضوع: رد: إزاي نحب صح عشان ماننجرحش .. تعالوا نشوف السبت ديسمبر 13, 2008 10:11 pm | |
| | |
|
محمد الجنتل
مشرف مميز
العمر : 43
المزاج : رايق
تاريخ التسجيل : 11/12/2008
| | موضوع: رد: إزاي نحب صح عشان ماننجرحش .. تعالوا نشوف السبت ديسمبر 13, 2008 11:07 pm | |
| | |
|
الفراشة الزرقاء
Admin
 المزاج : زى الفل
تاريخ التسجيل : 28/03/2008
| | موضوع: رد: إزاي نحب صح عشان ماننجرحش .. تعالوا نشوف الإثنين ديسمبر 15, 2008 1:54 pm | |
|  عندك حق مشكوووووووووووووور ياريت الكل يعمل كده | |
|
زائر
زائر
| | موضوع: رد: إزاي نحب صح عشان ماننجرحش .. تعالوا نشوف الثلاثاء ديسمبر 23, 2008 3:19 pm | |
| كلام جميل وكلام معقول مقدرش اقول حاجة عنه تسلم يا باشا  |
|
.gif)
