نادين
مشرفه
 المزاج : عادي
تاريخ التسجيل : 29/03/2008
 | موضوع: يذلف .. الله لا يرده .. والله بجرحي كفيل ..  السبت أبريل 05, 2008 10:35 pm | |
| خسرتك ماخسرت العمر.. والدنيا متاع
وأدري أني لو خسرتك ماخسرت.. إلا قليل
بس فكر زين تعرف من خسر فينا وضاع
وتعرف إنك لو تلف الأرض .. وتدور بديل
والله إن تبطي ولو لفيت كل البقاع
ولو تسوي وش تسوي ماأنت لاقي لي مثيل
وين تلقى مثل شخصي شخص..وطباعي طباع
ووين تلقي مثل قلبي قلب .. أو مثلي خليل.؟
البشر واجد .. نعم .. لكن فرق الانطباع.!
يجعلك يمي تميل .. ويم غيري ماتميل....
يارفيقي .. انتبه .. واحسن إلي الاستماع..
للمواقف دور في كشف المزيف .. والأصيل..
وأنت ماقصرت فيني موقفك جداً شجاع..
طعنتك في الظهر كانت إثبات ودليل....
بيض الله وجهك اللي ساتره تحت القناع
ورايتك بيضا معاي وياعسى عمرك طويل...
يعني أعطيك الثقة وتردها ب"لوي"الذراع!!
ياخي ماشاء الله عليك أبدعت في رد الجميل..
مدري كيف أشكرك؟؟!
مدري كيف أرد الصاع صاع؟؟؟!!
كنت أحسب أنك عزيز النفس .. تطلع لي ذليل...
كم وأنا عييت أصدق فيك قدر المستطاع
من غبائي كنت أسكت وأعذرك .. وأثر الحصيل!!
جرح قلبٍ ميزته في كل يوم الاتساع..
ودمع عين" ينهمر من ضيقتي في كل ليل...
والله والله إني كنت أحبك حب .. وأتبعك إتباع..
كنت لجل أرضي غرورك بس ...أسوي المستحيل
كنت أعمى فيك .. لا.. لا .. ميت للنخاع..
كنت مدري كيف ؟ لكن كنت صادق معك حيل...
كنت أمارس في غرامي لك سياسة الانصياع
وكنت لاغي معك فكرة أعتزل او أستقيل....
اندفعت بكل مافيني .. وسوء الاندفاع...
يجبر الإنسان أحياناً.. يفكر بالرحيل...
صدمتي فيك إنت .. خلتني أفكر باقتناع..
إن قتل النفس راحة لو أنا كنت القتيل...
انفجر راسي من التفكير.. وازداد الصداع
كيف أنا بفتك من جروحك ودوشة "قال قيل"
صرت سيرة في حلوق الناس.. وتالي هالضياع
" انتحر ؟ معقول ! ياالله وش هذا الغليل..
رحمتك يارب لامن ضاقت امنحني وساع..
أنت حسبي في الزمان الجاير ونعم الوكيل...
لا غدى "مستقبلي والماضي" أطراف النزاع..
وصفحة الماضي سواد وشئ من هذا القبيل...
فلازم انسى لجل أنهي بداخلي هذا الصراع..
ولازم أتقوى .. عشان أحقق النصر الجليل...
وطالما إن الهجوم أفضل وسيلة للدفاع...
مستحيل أرضخ لو أن الحمل ياربعي ثقيل...
والبخيل اللي نساني واشتري فيني... وبااااااع...
يذلف .. الله لا يرده .. والله بجرحي كفيل...
وإن سأل عني وجاكم بعد فترة انقطاع!!!
علموه أني نسيته بس أنا ماني بخيل....
طالما كان السبب في قوتي .. قبل الوداع...
بلغوه أقل شئ بخالص الشكر الجزيل | |
|
الفراشة الزرقاء
Admin
المزاج : زى الفل
تاريخ التسجيل : 28/03/2008
| | موضوع: رد: يذلف .. الله لا يرده .. والله بجرحي كفيل .. السبت أبريل 05, 2008 11:03 pm | |
| تسلم اديكى كلماتك معبره جدا واحساسك مرهف نتمنى المزيييييييييد من اباعاتك  | |
|
نادين
مشرفه
المزاج : عادي
تاريخ التسجيل : 29/03/2008
| |
زائر
زائر
| | موضوع: رد: يذلف .. الله لا يرده .. والله بجرحي كفيل .. الثلاثاء مايو 13, 2008 3:59 pm | |
| مشكورة نادين كتير .gif) |
|
نادين
مشرفه
المزاج : عادي
تاريخ التسجيل : 29/03/2008
| |
محمد الشاعر
مشرف مميز
 العمر : 38
المزاج : قمه فى آلرومآنسيه
تاريخ التسجيل : 03/05/2008
| | موضوع: رد: يذلف .. الله لا يرده .. والله بجرحي كفيل .. الجمعة مايو 23, 2008 4:32 pm | |
| صدمتي فيك إنت .. خلتني أفكر باقتناع..
إن قتل النفس راحة لو أنا كنت القتيل...
كلمآت رآئعه من إنسآنه حقآ أرآهآ مبدعه
شكرآ
| |
|
