سلي صيامك

خطرت ببالي فكره في رمضان
لكل منا مواقف طريفه حدثت معه او مع احد اصدقاؤه في رمضان
ياريت كل واحد يدخل يقول لينا على موقف طريف حصل ليه او لأحد من اصدقاؤه أو قرايبه

أبدأ أنا
كنت طفلاً لم اتجاوز الثامنه من عمري وكان لي صديق جارنا في الشقه المقابله لنا في نفس العماره
وكنت والحمد لله رغم صغر سني لدي بعض المعلومات
ذات مره سألني وكان من نفس سني
بالحرف يا اشرف هوه لو الواحد ناسي انه صايم ممكن يشرب
قولتله آه يا أسامه ممكن يشرب وميبقاش فطر
قال طب انا ناسي دلوقتي
طبعاً كانت طالعه من طفل انه قدراته العقليه تخليه يعتقد انه فعلاً ناسي
مش بيقصد تهرب او كدب
ياللا اللي ورايا يقول موقف
انا لسه عندي كتير

انا كنت بعمل كده بس عشان ببقى عاوزة اشرب
وفى مرة عملتها وقلت انا ناسية
بس قفشونى كنت فى 3 ابتدائى وقعدوا يضحكوا عليا
ومن يومها كنت بصوم نص يوم زى ما بيقولوا
بس كنت باخدها بالتدريج
اول سنة لحد الظهر
واللى بعدها لحد العصر
لحد سنة خامسة اتعودت اصوم يوم كامل
كمل انت بقى

زي العسل والله
احنا تيته كانت بتقفل الشبابيك عالظهر وتقوللنا المغرب جه
شوفوا الدنيا ضلمه ازاي
قبل ما ندخل المدرسه
موقف بأه واحنا في السعوديه
كنا شغالين في مكه وكان فيه عمال فاطرين بيعملوا شاي
دخلت هيئة الأمر بالمعروف والنهي عن المنكر
المهم شافوا البراد عالنار
قال العمال فاطرين
راح مدير المشروع قال له فيه ايه
قال له العمال فاطرين يا باشمهندس
قال له مين قال لك
قال دخلت البوفيه لقيت براد الشاي
قال له شوفت فيه شاي
قال لأ شوفت ميه بتغلي
قال له ومين قالك انهم بيعملوا شاي
قال امال ايه
قال الميه السخنه دي للخرسانه
الراجل مسك دقنه وقال عجيييييييييييييييييييب
وراح ماشي

عن اذنك يا ايمو
اروح استعد للفطار
وانتي كمان

طب بتحطوا مية سخنة ليه عالخرسانة

مش بنحط يا إيمو ده بيضحك عليه عشان ماياخدش العمال يحبسهم
اصل هناك بيحبسوا الفاطر فالمدير بينجيهم بس

هما هناك بيفطروا عادى ما دام شغالين
هو انا لو كنت عطشانة ونسيت اشرب
بس الفجر اذن ولسه فى الاول
يويو قالتلى قومى اشربى بسرعة
بس انا خفت احسن صيامى يبوظ
ماشربتش بس انا عطشانة من الساعة 3 ونص
اقوم اشرب دلوقتى احسن

الميه مابتفطرش يا إيمو
عادي في أي وقت في اليوم
على فكره آذان الفجر مش هو الفيصل لأنه تقديري
لأن الله قال وكلوا واشربوا حتي يتبين لكم الخيط الأبيض من الخيط الأسود من الفجر إحنا بنصلي الفجر وميكونش لسه تبين
بس الأحوط إننا نكون مع العامه طالما الفجر نمسك يبأه نمسك مع الآذان لإن في ذلك آيه واطيعوا الله وأطيعوا الرسول وأولي الأمر منكم وهنا طاعة أولي الأمر واجبه لأنها في طاعة الله ورسوله والله أعلم

لا بجد
انت عارف دى عاملة زى ايه
استاذ الكيميا كان كل ما بشوفنا
يقولنا ان اللب والفيشار مش بيفطروا
وفى ساعة فى رمضان كل يوم ممكن تاكل وتبقى لسه صايم
من 3 ل4
مش عارفة ليه من 3 ل4
كان يقولها ويقعد يضحك علينا

مش عارف اشمعنى من 3 ل 4 بالذات اسأليه وقوليلنا يا إيمو