هل يمكن أن تكره من أحببت يوما؟؟؟؟؟؟

رجعتي يا دموع بمواضيعك الجميله عوداً حميداً
وحمدالله على سلامتك يا غاليه
صعب أوي الواحد يكره اللي يوم حبه
بس غالباً هحاول أنساه
بس طبعاً هيكون نسيان وقتي
وأي حاجه تفكرني بيه هافتكره
زي النار لما بتصبح رماد
ييجي عليها شويه هوا بتقيد تاني
تسلمي يا مميزه
وأقول إيه
كفايه ان الموضوع يحمل توقيعك

تسلملى يا غالى انت الاجمل
واقول انا كمان كفاية ان موضوعى نور بتوقيعك

الموضوع مش سهل

بس هدعيلو ربنا يهديه ويصلح ليه احواله

الى بيحب بجد عمرو مايقدر يكره حتى لو اظهر للغير انو كاره خلاص

مااعتقدش انو كره لانى انا عن نفسى الى احبو لا يمكن اكرهو واذا حصل اى حاجة

يبقى هدعيلو وافتكر منو الخير بس

وربنا يسهل للجميــــــــــــــــــــــــــــــــــــــــــــــــــع

اكيد مش سهل اختى الفراشة
اللى يحب عمره ما يكره مهما حصل
وربنا يسهل للجميع
نورتينى يا احلى فراشة

تسلمي يا أختي يا غاليه
وألف مبروك عليكي المشرف المميز
لأ ده شرف للقب المشرف المميز إنه يكون دموع الندى
يعني نصحح المعلومه
مبروك يا مشرف يا مميز عليك دموع الندى

معتقدش انى ممكن اكرهو مهما عمل فيا لانى بحبه
هيكون ذكرى مليئة بالاسى وفى نفس الوقت جميلة لما افتكر المواقف الجميلة فيها
يعنى هيكون ذكرى مرة وحلوة فى نفس الوقت
شكرا ليكى يا الغالية دموع

اللى يحب عمره ما يكره مهما حصل

طيب وهو فين المشرف المميز دا عمتا انا مبتفرقش معايا اصلا
والله يبارك فيك يا اشرف يا ترى انت عامل ايه بجد غيابك قالقنى قوى
ربنا يشفيك وتقوم بالف سلامة يا رب
نورتينى اختى هموسة والطائر وحقيقى اللى يحب عمره ما يكره ولا حتى ينسى

تسلم ايدك يا بيدو على موضوعك الجميل
فعلا اقرب رأى ليا هوة راى الفراشه انى ادعي للأنسان اللى انا حبيته ومش هفتكر الانسان نفسه اللى خلانى كرهته
تسلم الايادى

اشكرك اخى الباحث واخى اللواء واخى هانى وفعلا لما الانسان بيحب بيحب لاكن ممكن ينصدم فى حبه
لاكن مش بيقدر ينسى ولا بيقدر يسامح
نورتولى موضوعى لكم منى اجمل تحية

دا بقى رايي
نفس راى الباحث
القلب اللى حب شخص ازاى يعرف يكرهوا
اكيد مش هاقدر اكرهها
ولا هانسى الحب ولا هانسى الغدر
لا هاقدر ادعى عليها ولا هاقدر اسامحها
ومش هاتكونلى ذكري بل هاتكونلى جرح