خصوصيات الزوج والزوجة

هو محدش بيرد عليا ليه؟

لا مش حسيب الموضوع كدة بدون تعليق
لازم حد يرد عليا لو سمحتم

فى حاجات الزوجة بتخفيها عن زوجها والعكس وخصوصا لما بتكون قبل الزواج اما بعد الزواج المفروض مفيش اسرار نهائى
الا ان كانت السرار دى تعمل مشاكل فبنتجنبها

شكر اخى على الموضوع وبارك الله فيك

والتوافق بين الزوجين من أنجح الوسائل لتحقيق الراحة النفسية،

تسلم اديك دكتور خالد

شكرا لك أختي همسة
والأخت الطائر الحزين
سعدت بمروركما
ولعلي أعلق بشيئ من التفصيل على هذا الموضوع بعد أن أسمع مزيد من الآراء

والله يا خالد مش كل الازواج

فى ازواج بتخفى اشياء عن زوجاتهم والعكس وفى لا بالنسبه لى زوجى ما يخبى عنى اى شيىء نهائى نهاااااااااااااااااااااااااااااااائى ودى حاجة انا واثقة فيها واللى فى قلبه على لسانه حتى لو كان اللى هيقولو يزعلنى بيقولو بردو واى موقف بيحصل معاه فى اى مكان بيحكيه لى بالتفصيل سواء الموقف دا بيخص اى واحدة تانية بردو مش بيخبى

الناس بتختلف عن بعض اما بالنسبة لى ففى حاجات كتير بخبيها عن زوجى وخصوصا من وقت دخولى الى عالم النت وكلامى فى المنتديات مع الاعضاء لانه هيفهم بشكل تانى وكلامى على الايميل اللى لله الحمد لا غيته لان فيه اثم زى ما قولتلى قبل كدا
وعملت بكلامك استازى الفاضل وتبنا الى الله

اما فى مواقف فى الحياة بخبيها طبعا وخصوصا لما بتكون مواقف مع تعاملاتى مع الرجال فى البيع او الشراء او اى موقف فى الحياة عمتا بكون مضطرة اتعامل فيه مع الرجال

كمثال
هحكي ليكو موقف من المواقف اللى خبيته عن زوجى
كنت بتعامل مع صاحب محل بشترى منه حاجات اسبوعيا لاكنى ابتديت اشعر من هذا الرجل كلام زاد عن المعقول واسلوب غريب يعنى كان يسيب كل الزباين اول ما ادخل المحل وييجى ويقولى اؤمرى اللى انتى عايزاه بالرغم من الازدحام ويجيب كرسى كمان وبعدين قالى انا بحبك فى الله من غير ما اشوفك ولا اعرف حاجة عنك لانى منتقبة
قالهالى كذا مرة وكنت بجيب منه لانه حاجته كويسة ونظيفة ورخيصة
وبالرغم من انى فى تعاملاتى لا اتحدث كثير مجرد خد وهات فقط خلانى استغرب الاهتمام الزائد وخصوصا غبت فترة ومش اشتريت حاجة قالى متشتريش بس والنبى الغالى عندك تقوليلى بس صباح الخير ومتخديش حاجة بس تصبحى عليا وفضل يحلفنى قولتلو انت عايزنى اسيب بيتى عشان اجى اقولك صباح الخير مردتش اعمل شوشرة فى المحل ومن يومها ولا صباح ولا مسا ولا كلمة كويسة ههههههههههههههههه

وتركت المحل ولا دخلته مرة اخرى الكلام دا من سنة وولادى هما اللى بيجيبولى كل حاجة من ناس تانية حتى لو اغلى ايه يعنى وطبعا جوزى ميعرفش كل دا مقدرش احكى ليه لان رد الفعل الله اعلم هيكون ايه وجعت دماغك انا عارفة

لاكن فى مواقف كتير بخبيها منعا للمشاكل

وشكرا لك وعايزة اشوف رايك انت كمان

لو سمحتى يعنى اقول رائي انا كمان

انا ضد ان زوج او زوجة يخبوا على بعض اى حاجة مهما كانت صغيرة او هاتزعل او حتى هاتعمل مشاكل وبالاخص لو كان احدى الزوجين من النوع اللى بيحب يعرف كل حاجة وبيدور عليها كمان

ليه

علشان احنا الاتنين عايشين تحت سقف واحد طول اليوم مع بعض وبينا احداث وتفاعلات وكلام وهفوات ، وما من عمل يقوم به الشخص او كلمة تخرج منه الا وكان عليه شهود وتركت اثر
يعنى هايعرف هايعرف حتى لو فات علي الموقف ميت سنه مسيرة هايعرف
بس لما يعرف من برة من حد تانى مثلا او بالصدفة كهفة خرجت من لسانك او غلطة من ولادك او اى حاجة مثيل ذلك ساعاتها بقا بدل ما كانت هاتحصل مشكله صغيرة وتعدى هاتحصل مشكله كبيررررررررررررررررررررررررررة وممكن متعديش
فالزوج لو قال لزوجته على كل حاجة والزوجة بالمثل قالت لزوجها على كل حاجة حتى لو هاتزعل من المفترض ان الطرف التانى هايتحرم الصراحة ديه وزعله يكون قليل وهايروح بسرعه لكن لما يعرف من برة من حد تانى ساعاتها دماغه هاتودى وتجيب وبدل الزعله الصغيرة هاتبقى كبيرة اوى

ومثل ما انتى حكيتى انا كمان هاحكى موقف حصل ما حد اعرفه
واحدة جوزها محرج عليها انها متخشش بيت اختها بسبب مشاكل حصلت ما بينه وما بين جوزها جت اختها خلفت فى بيت والدتهم قالها روحى عادى بيت مامتك بس لو كانت روحت لبيتها متروحيش ومتطلعيش وبالفعل راحت تزورها لقيتها روحت بيتها كسرت كلام جوزها وطلعت ليها وقالت ميسحش انى متطلعش ليها ولما رجعت قالت شوفتها عند امى .
جوز اختهم التالته مع جوزها فى الشغل بعد 3 سنين كانوا قاعدين بيحكوا مع بعض وفتحوا مواضيع كتيرة منها موضوع ولادة اخت مراته وقال فى وسط كلامه انها ولدت فى المستشفى وروحت على بيتها مش على بيت امها .
بعد 3 سنين اكتشف ان مراته كسرت له كلمة من 3 سنين فاتم حصلت مشكله جامدة جدا فوق ما تتخيلوا قعدت قرابة العشر السنين وفقد الثقة فى مراته وفى كلامها معاه وبقا يعتقد انها بتكدب عليه فى كلمة بتقولها قرابة العشر سنين المشكله قائمة
لكن لو كانت اول ما رجعت قالت له لقيت روحت على البيت واخواتى كانوا طالعين ليها اتحرجت مطلعش معاهم وخاصة انها كانت تعبانة وكلمتين حلوين ومعلش متزعلش كان الزعل هايقعد اد ايه يوم انتين تلاته اسبوع شهر لكن عمره ما كان هايقدع عشر سنين بالاضافة الى فقدان الثقة

كل بن ادام خطاء وخير الخطائين التوابون
وكلنا لازم نسلم بهذا الحديث
مفيش حد معصوم من الخطاء كلنا بنغلط ومعظم الغلط بيتغفر لكن اللى ميتغفرش اننا منعترفش بغلطنا ونتوب عنه

مع العلم ان فى بعض المواقف لو اتحكت ممكن الراجل يعمل او الست تعمل مشكله مع الطرف التالت زي ما حكاية الراجية يعنى ممكن لو حكت او ملك ينزل يعمل مشكله مع صاحب المحل
ده مش معناه انك متحكيش ، تحكى لكن خففى من حدية الموضوع يعنى مش كل الكلام اللى اتقال يتحكى بمعنى اصح بتديله فكرة لكن مش تحكى الموضوع بحزافيره علشان متحصلش مشكله ما بين ابو ملك وما بين الراجل

على فكرة موضوعك جميل جدا وفعلا بينقاش قضية مهمة جدا جدا جدا يا د / خالد
بس ايه حكاية دكتور ديه

بس يا سامح الصراحة دى بتبقى للازواج المتفاهمين بس وغير كدا كل راجل او امراة بيختلف عن الاخر

انت بتقول اقولو مش اخبى عليه لاكن اخفف فى الكلام لالالا دا ميتقالوش حاجة

مش هينساها وكانى انا الى غلط وانا المذنبة وكل شوية هيتكلم تفتكر هل هو دا الموقف الوحيد
وهل انا كل حاجة زى دى بخبيها انا داريت لانى بعرف زوجى كويس
واعرف رد فعله هيكون ازاى
مش كل الازواج اللى يفهمو ويقدرو الصراحة لاكنى صريحة معاه فى كل شىء حتى اولادى بيعملو غلطات كتير ويمكن كريم ابنى كل يوم مشكلة يوميا فى المدرسة ويتحايل عليا انى مقولش لبباه ومع ذالك بقول واطلب منه ميعرفوش انى قولتلو

بص الازواج المتفاهمين هما اللى بيقدرو وبيتفهمو اى موقف وبعدين لو كل انسان مشى على نهج النبى محمد صلى الله عليه وسلم فى تعاملاته مع زوجنه واولاده والعكس مش هيبقى فى مشاكل ابدا

شكـــــــــــــــــــرا

واوقات بيكون طبع وسلوك