إبني العزيز
أنا بخير هنا وأتمنى انك تكون بخير هناك بكتبلك الجواب ده ببطء لأني عارفة انك بطيئ في القراية
أبوك شاف في الجريدة أن أكتر الحوادث بتحصل على بعد 20 كيلو من بيتنا لذلك انتقلنا لبيت جديد يبعد عن بيتنا القديم اللي انت تعرفه بـ 20 كيلو ومش هعرف ابعلك عنوان البيت الجديد عشان اللي اشترينا منه البيت اخذ عنوانه معاه ومرضيش يغيره واحنا الأسبوع الجاي هنجيب عنوان بيتنا القديم عشان ماتتوهش وانت جاي وبكدا اقدر اقولك عنوان بيتنا زي ما كان بس انت نسيت العنوان
البيت الجديد ياواد حلو اوي وفيه حمام كبيييييير بس المشكلة مافيهوش قاعدة لكن فيه غسالة في وسط الحمام بالظبط وشكلها كدا بتسرق الهدوم الأسبوع اللي فات حطيت فيها تلت قمصان وسحبت السلسلة لتحت لفو فيها لفتين وراحو
لكن الجو في المنطقه الجديدة حر شوية ومامطرتش غير مرتين بس في الأسبوع اللي فات كله المرة الأولى فضلت تمطر تلت أيام والمرة التانية أربع أيام . . . .
وأختك بخير وولدت النهاردة الصبح بس مش عارفة جابت ولد ولا بنت عشان كدا مش عارفين لسه انت هتبقى خال ولا خاله
واعز اصحابك مات امبارح أصل ابوه كان بيحتضر وطلب منه انه يدفنه في وسط البحر إذا مات وراح يحفر قبر لأبوه في وسط البحر زي ماقاللو فغرق وراح فيها
تفتكر يامضروب يوم ماكنا بنحشش سوى وقلتلي ياماما أنا بحبك؟؟؟؟ وقلتلك وقتها خلي علاقتنا صداقة احسن علشان مانخسرش بعض ..... اااااه كانت أيام حلوة ، قوللي !! هو انت ارتبط ولا لسه ؟؟
وفي نهاية خطابي وبمناسبة العيـد احب اهنيك بقرب حلول شهر رمضان المبارك ،جعله الله زواجا سعيدا وإفطارا شهيا وكل عام وانتم بخير والسلام عليكم ورحمة الله وبركاته
أمك.
ملحوظة: أنا كنت عايزة ابعتلك فلوس في الجواب ده بس ما افتكرتش غير بعد ما قفلت الظرف
هههههههه
[center]