هذه عينة من مئات النكات قبل وبعد تنحي الرئيس مبارك في ثورتهم الشعبية
بخلاف آلاف الرسائل والإفيهات واللافتات الطريفة عن تنحي الرئيس حسني مبارك علي فيس بوك وتويتر ولافتات التحرير ، بعدما اعتادوا علي السخرية وإطلاق النكات في كافة المناسبات السعيدة وحتي الحزينة
علي الرغم اني لست مع السخريه من الرموز لكن اضعها من باب النكت فقط
أبليس شاف 3 ملايين بيصلوا في ميدان التحرير راح مصوت وقال الله يخرب بيتك يا مبارك بقالي 30 سنة أضلل فيهم وأنت بعماليك السودا دي تخليهم يتجمعوا ويصلوا ؟
وهتف مع المتظاهرين "يسقط يسقط حسني مبارك
بعد ثورة مصر وتونس يوم الجمعة ، القذافي قرر إلغاء صلاة الجمعة في ليبيا
السلام الجديد بين الزعماء العرب هو - الثورة عليكم ورحمة الله وبركاته
الرئيس مبارك قال إنا خسارة في المصريين وتنحى وقرر إنه يرشح نفسه لرئاسة تونس
مما دفع ملايين التونسيين إلى المطالبة بعودة زين العابدين بن علي
زين العابدين لما عرف بعت رسالة لمبارك يقوله له فيها : متنساش تجيب دراع البليستيشن معاك
رد مبارك قائلا : لا تعايرنى ولا أعايرك الشعب خالعنى وخالعك
مبارك بعد ما مات قابل السادات وعبد الناصر، سألوه: هاه؟ سم ولا منصة؟
رد عليهم بحرقة وقال: فيسبوك
واحد لقي الفانوس السحري ودعكه.. طلعله العفريت وقاله: شبيك لبيك تطلب إيه؟
قاله الراجل: أنا عايز كوبري بين القاهرة وأسوان، العفريت قاله: دي صعبة قوي.. نقي حاجة تانية
الراجل قاله: خلاص خلي حسني مبارك يسيب الحكم
العفريت قاله: انت عايز الكوبري رايح جاي؟ ولا رايح بس؟
بلطجي سألته قناة الجزيرة إنتوا ليه بترموا مولوتوف علي الشباب ، فرد قائلا
العيال دول بيرموا علينا قنابل بلوتوث
شهود عيان فى أروقة وزارة التربية والتعليم أفادوا أنه تم تأجيل امتحانات الدور التانى إلى
أجل غير مسمى، معللين هذا بأن النظام سقط وعاوز وقت عشان يلحق يذاكر
عقد الريس جلسة مع وزير الداخلية السابق حبيب العادلي قاله حزينا: منعت الحشيش يا فالح؟ أهو الشعب صحصح
مبارك قال لأعوانه : فين الفلوس ؟
فقالوا له أنت ناسي يا ريس أننا انفقنا علي البلطجية والحمير في موقعة الجحش
مبارك قبل خلعه اتصل بعمر سليمان وقال له ابعت الفلوس علي شرم الشيخ وابعت المسلمين على السعودية والمسيحيين على أمريكا واقفل وهات المفتاح وتعاله
إعلان وظيفي نشره مبارك بعد تنحيه كتب فيه : رئيس سابق يبحث عن وظيفة .. خبرة في إنشاء الكباري متعددة الطوابق .. والمعتقلات شديدة الوحشية.. ولديه قدرة خاصة على التناحة
سألوا الرئيس عن رأيه في التغيير
قال: التغيير ده سنة الحياة .
قالوا: طب وسياتك مش هتتغير؟
قال: أنا فرض مش سنة
واحد بيسأل الثاني: إذا انتصرنا عالحكومة وفزنا عليهم حيحصل إيه ؟
رد عليه الثاني: حنلاعب مع تونس على النهائي
واحد أمريكي وواحد روسي وواحد مصري ..
قال الروسي أحنا حفرنا تحت الكرملين
ووجدنا خطوط التليفون وهذا دليل على إننا اخترعنا التليفون
فرد الأمريكي قائلا : وأحنا حفرنا تحت البيت الأبيض ووجدنا خطوط التليفون فنحن إذا أول
من اخترع التليفون .
فضحك المصري وقال أحنا حفرنا تحت الأهرام ولم نجد شيئا .. وده معناه أننا اخترعنا المحمول اللاسلكي
من أفلام الثورة
مبارك في الزنزانة - يا أنا يا حسني - الواد سليمان بتاع الرئيس - مبارك شيكا بيكا
إنها حقا أجندة محترمة - خالتي أجنده - شورت وأجندة وكاب - بلطجية في كي جي تو
مطب رئاسي - اللي بالي ماشي - اللعب مع الإخوان - نحيني شكرا - يادنيا ياحرامي
حب في الدبابة
وكتب آخرون تعليقا يقول
حسني مبارك "آسف على الازعاج"
انت عملت أكبر "مطب صناعي" في تاريخ مصر
والله إنت "وش إجرام" وطول عمرك "دبور"
ودلوقتي معاك "زهايمر"
باختصار إنت " محترم إلا ربع"
كل الشعب بقى ينادي "جعلتني مجرمًا"
وعملت الحلو "عسل إسود"
ومن السجون "العيال هربت" سرقت من عيونا " الفرح"
إنت فاكر مصر "كباريه"
وعامل فيها "الزعيم" وكنا نقول يا عم عديها "حين ميسـره... "
"ليه.. يا دنيا" "هي فوضى" باختصار حسني مبارك . "طير إنت"
وكان مصريون رفعوا بدورهم لافتات طريفة خلال الثورة وعقب تنحي مبارك أشهرها
إرجع ياريس كنا بنهزر معاك .. الكاميرا الخفية
مبارك .. طير أنت
رابطة نجاري مصر يسألون الأسطى مبارك: ما نوع الغراء الذي تستخدمه؟
ارحل.. الولية عاوزة تولد والولد مش عايز يشوفك
ارحل عاوز أتجوز
ارحل مراتي وحشتني.. متزوج من 20 يوم
ده لو كان عفريت كان طلع
لو ما استحمتش النهاردة في بيتنا.. هاستحمى يوم الجمعة في قصر الرياسة
-الجيش مسك واحد ماشي في الشارع بعد
حظر التجول وسألوه: انت ليه انتهكت حظر
التجول؟
قال لهم: أصل أنا عندي تجول لا إرادي!
-عاجل: المتظاهرون في ميدان التحرير قرروا
الإبقاء علي الاعتصام مفتوح ويطالبون بتنحي
الرئيس أوباما ههههههههههههه؟
- من ميدان التحرير إلي الإخوة الأشقاء العرب
، في حد مضايقكم تاني نخلعه قبل ما نترك
الميدان؟
- بيان رقم 4 للقوات المسلحة ... الرئيس
مبارك لم يتنح ودي كانت اشتغالة ويهيب المجلس
الأعلي بالمتظاهرين في التحرير التحلي بروح
الدعابة قائلا لهم " لو تحبوا نذيع هنذيع.
-بيقولوا مبارك كان معجب بالملك فاروق.. وما
صدق عبد الناصر والسادات مشيوا وكان
هيرجعها تاني ملكية.
- اجتماع طارئ للفيفا لتحديد موعد المباراة
المصيرية التي تجمع مصر وتونس في النهائي.
-نكتة الموسم من ميدان التحرير: إنت زعلت مننا يا ريّس! إحنا كنا بنهزّر معاك .. طب مش
هانمشي إلا لما ترجع
- رسالة من الرئيس المخلوع الي مصر الحبيبة
:اعتزازي للي هييجي بعدي، خليه يسامحني اصل
انا اخدت كل حاجه في عهدي و شوفي عهدي
كان كام سنة.
-قرر مبارك الترشح لرئاسة تونس وملايين
التونسيين يطالبون بعودة بن علي للحكم.
-نكتة الأحداث الأخيرة: أحمد عز والبرادعي
ومرشد الاخوان راكبين ميكروباص، قام أحمد عز
قال:أنا لما باخطب في المجلس بيسقفلي ربع
مليون، قام مرشد الاخوان قال:أنا لما باخطب في
الجامع بيسقفلي نص مليون، قام البرادعي
قال:أنا لما باخطب في الناس بيسقفلي مليون، راح
سواق الميكروباص قايل:وأنا لو قلبت بيكم العربية
هيسقفلي 80 مليون.
-الرئيس حسني مبارك من الطيارة قرر يرمي
100 جنيه يفرح بها عائلة مصرية، قالت زوجته:
خليهم خمسينتين وفرح عائلتين، قال ابنه: خليهم
25 وفرح أربع عائلات، قال كابتن الطيارة: يا عم أرم نفسك وفرح 80 مليون مصري.
حسني مبارك يخاطب الناس:
اصبروا يومين جدة فيها فيضانات أروح فين
ياناااس
- طلب وزير الداخلية من حسني مبارك ان
يكتب رسالة وداع للشعب المصري.
فسأله باستغراب:
...ليه هم حيروحوا فين؟
-في عيد ميلاد حفيد حسني مبارك .. كل
وزير جابله هدية .. اللي جابله طيارة لعبة ..
واللي جابله مسدس مائي .. حبيب العادلي، وزير
الداخلية، أهداه ثلاث سيارات أمن مركزي وأربع
مخبرين لعبة؟!
-حسني مبارك جمع شيخ الأزهر وبابا الكنيسة
المصرية وقال لهم: أنا جمعتكم النهارده عشان
أقول لكم إن ابني جمال هيبقي رئيس مصر سنة
2011م
قام البابا قال: ماشاء الله اللهم صلي ع النبي.
شيخ الأزهر قال له: إيه اللي بتقوله ده يا
حضرة البابا.. الكلام ده بتاعنا؟
البابا قال له: ماهي حاجة تخلي الواحد يطلع
عن دينه.
-مواطن مصري قال لآخر : الرئيس حسني
مبارك خطفوه والفدية 5 مليون دولار، ولو الفدية
ما ادفعتش .. الخاطفين هددوا يدلقوا عليه بنزين
ويحرقوه وأحنا بنجمع تبرعات .. تحب تشارك؟
الرجل سأل: "وفي المتوسط الناس بتتبرع
بكام"..
الرجل الثاني : " من 5 إلي 10 لتر بنزين ؟
-عاجل: سيتم انتقال السلطة بشكل سلمي
وجدول زمني محدد الجدول هو : الرئيس يحكم
أحد وثلاثاء وخميس .. عمر سليمان سبت واثنين
وأربعاء ويوم الجمعة مرة شفيق ومرة الجيش إلي
يصحي الأول.
- بيقولك الشباب في التحرير مختلف مع بعض
علشان فيه ناس معاها أجندات 2010 وناس
2011، ده غير الاخوان اللي معاهم أجندات
بالتقويم الهجري.
خـــبـر عاجل:
الـــريــس: إيه الأخبار يا عمر؟
قال له: كله تمام يا ريس.
بعنا المصانع وبعنا الشركات وهربنا الاثار
وحولنا الفلوس بره.
ومش فاضل غير الشعب.
الـــريــس: كويس كده.
انقل المسلمين السعودية
و المسيحيين أمريكا
و اقــفـل و تعال
-بعد جمعة النصر في تونس وجمعة الرحيل
في مصر قرر القذافي بالغاء يوم الجمعة.
-رسالة من زين العابدين الي حسني مبارك:
جيب معاك دراع بلاي ستيشن.
-الجمعة القادمة هي جمعة ارجع بقي وحشتنا.
-من ميدان التحرير الي كل أخواتنا في الدولة
الشقيقة:حد عنده ريس مزعله.
-عاجل: الصعايدة مازالوا يطالبون حسني
مبارك بالتنحي.
-عاجل ومؤكد: مبارك يتصل بـ زين العابدين
وقال له :لو هينام بدري يسيب له مفتاح البيت تحت الدواسة.
-عاجل جدا :بيان الجمهوري تقرر تغيير كرسي
الرئاسة لـ« كرسي تيفال» علشان ما حدش يلزق
فيه.
- مبارك يرشح نفسه لرئاسة تونس ومظاهرات
في تونس تطالب برجوع بن علي.
- يعني ايه كوكا زيرو: الشعب مستني خطاب
مبارك يقوم أوباما يخطب.
- خبر عاجل: قطع جزء من جسد حسني
مبارك وذلك أثناء عملية فصله عن الكرسي ارجو
الدعاء بالشفاء العاجل.
- المادة 534 من الدستور :اذا مات الرئيس يتم
تشكيل لجنة لتحضير روحه لإدارة المرحلة
الانتقالية.
- المادة 535 من الدستور: اذا فشل تحضير
روح الرئيس تلغي الدولة ويلغي الدستور وتسرح
القوات المسلحة ويوزع الشعب علي الدول
المجاورة.
- سمعت عن شعوب نجحت ثوراتها وشعوب
فشلت ثوراتها وشعوب غيرت وشعوب اتغيرت
وشعوب تقدمت وشعوب فضلت عالم تالت لكن
عمري ما شفت شعب عايز ينهي ثورته علشان
عنده شغل الصبح والعيال عندها مدارس والمرتب
ما نزلش .. المرة الجاية ان شاء الله نعملها لكم
في الصيف.
- عاجل جدا : تم إيفاد وزير الصحة السعودي
الي مصر لعمل جراحة فصل للتوأمين حسني والكرسي.
- احب أسأل ضمير كل واحد أعتدي علي تامر
حسني في الميدان ماعندكش اخوات بنات.
- الي كل المعترضين علي ميدان التحرير وكل
المتعاطفين مع حسني مبارك واللي بيعتبروه
باباهم ياريت تكتبوا اساميكم في ورقة علشان لما
النظام يتغير حانلمكم في مستعمرة ونمشي عليكم
النظام القديم.
- عاجل: سرقة العضو الذكري من تمثال
رمسيس الثاني والشبهات تحوم حول فاروق
حسني.
- الرئيس الليبي معمر القذافي في لقاء
تليفزيوني قبل قليل: المرأة لازم تاخد حقوقها
سواء كانت ذكر أم أنثي.
- بيقولك الراجل بتاع كنتاكي ابودقن بيضا طلع
اخوان.
- مبارك بعد ما مات قابل السادات
وعبدالناصر سألوه: سم ولا منصة قال فيس
بوك.
- اتصل ب 09000500 علشان تحمل خطاب
الرئيس قبل أي حد.
- المواطن المصري الوحيد الملتزم بقرار حظر
التجول حتي الآن هو حسني مبارك.
- رسالة من تلميذ مصري الي ميدان التحرير:
بخصوص الثورة اللي شغاله عنكم لاتنسوا أنها
ستدخل في مادة التاريخ واحنا اللي بنحفظ
فاختصروا من فضلكم
الإثنين فبراير 28, 2011 7:27 pm
