ياترى لسه فاكريني

السلام عليكم
وحشتوني كلكوا وحشتيني يا فراشه وطائر وبيدو واللواء وإيمو&يويو والباحث وقلب ميت وكلكوا كلكوا ياترى لسه فاكرينني زي ما أنا فاكركوا أنا أشرف العايدي وطبعاً أحداث الثوره خليتني سيبت النت خالص أنا كنت في الثوره من أول يوم مع المناضل العظيم اللي هوه بجد واحد مننا الأستاذ حمدين صباحي واستمريت معاه وخوضنا معركة الإنتخابات وحصل اللي حصل وأكيد كلكوا تابعتوا وأعتقد إن صعب حد ينكر إنه كان فعلاً الأقرب والأفضل لكن الظروف اللي أنا طبعاً عارفها كلها لإني عايشها معاه لحظه بلحظه حتى لما كنت بفطر عنده في بيته في بلطيم إتكلمنا عن التيار الشعبي وهوه ولا الجبهه ولا نركز في الكرامه وطبعاً في الآخر كلنا مع مصلة البلد
وحشتوني
الأخت الفراشه على فكره أنا مش عارف أدخل من الأكونت بتاعي في حاجه في كلمة السر ياريت تظبطيهالي وتبعتيهالي

يااااااااااه يا اشرف طبعا فاكرينك منقدرش ننساك ابداااااااااااااا

وكل سنة وانت طيب يارب تكون بخير ان والاسرة الكريمة

على فكرة المنتدى محدش بقا بيدخله

والفراشة معندهاش نت

انا هصلحلك كلمة السر وهبعتهالك فى رسالة

انت ليك وحشة كبيرة جدا جدا

ربنا يصلح حال بلدنا يارب

إنتي عارفه يا بيدو يا أختي يا غاليه إني كنت بهاجم مبارك من أيام ماكان في الحكم أكيد فاكره أشعاري والأشعار اللي كنت بنزلها لإيمان البكري وعبدالرحمن يوسف لما الفراشه قالت من أول قلم وشلوط هعترف على فكره أقولك حاجه هتفرحك شذا جايالها أخت في السكه ممكن الأسبوع ده هنسميها لمى إيه رأيكوا

الف الف مبروووووووووووووووك انا كنت عايزة اسالك والله لاكن هتسميها ايه لمى يعنى مش عارفة انطقها

الحمد لله ان مبارك راح عقبال ما البلد تنضف من الباقيين ان شاء الله انا متفائلة خير


لاكن الباحث دخل كدا ولا سلم هى ما كنتش عشرة ولا ايه دا انا مبدخلش اصلا ودخلت بالصدفة

وبعدين يا اشرف انت مدخلتش على اسمك ليه انا غيرتلك الباسوورد بتاعك وعبتو فى رسالة على الخاص

لمى الميم مقصوره زي ندى معناها شوفتي البنات اللي بيحطوا زي أي لاينر في شفايفهم عشان يدي شكل حلو هو ده اللمى سمعتي عبد الحليم وهوه بيقول والذي أسكر من عرف اللمى عشان تبقى على نفس وزن شذا أنا هشوف الباسسورد تسلميلي يارب بس لو شذا دخلت تسلم على عماتها الفراشه وبيدو والطائر هتدخل من هنا صح

على فكره مالقيتش غير رساله واحده بتاعة الترحيب إوعي تكوني بعتتيها على صندوق أشرف مش صندوق شذا

ههههههههههههههههههههههههههههههههه

يالهوى على الهبل اللى انا فيه

انا فعلا بعتها على اشرف طيب يا سيدى وربنا يخليهملك ويطرحلك البركة فيهم

طبعا شذا دى حبيبة قلبى تنور المنتدى وتنورنا

فين ملوكه حبيبة خالو

تسلمي يارب يا غاليه
أنا رجعتلكوا أهو

ملك كبرت وبقت عروسة ههههههههههههه

والله يا اشرف ليك وحشة كبيرة

وحشة كبيرة قوووووووووووي