نصيحة اليوم...الحق العدد الجديد من مجلة فيد واستفيد على منتدى رومانتيك

طول ما احنا عايشين فى الدنيا دى بنستفيد ونتعلم وبنكتسب خبرات.
الخبرات دى ممكن تكون من التعامل مع الناس وممكن تكون اتعلمتها من شخص ما وممكن تكون قرأتها.
وممكن يحصل لك موقف يضايقك او موقف تندم انك اتصرفت فيه بالشكل ده.
لكن ممكن يكون بيخفف ندمك انك بتقول لا فائدة من البكاء على اللبن المسكوب او نصيب
او حتى ممكن تقول انا غلطان لكن مش لازم اكرر الغلط ده تانى
ممكن تيجى فى يوم مبسوط وتقول الاصدقاء دول نعمة كبيرة
وممكن تقول الناس اصبحت سيئة لدرجة انهم شوهوا معنى كلمة الصداقة
وكمان يوم تانى تقول انا بحمد ربنا على نعمة كذا نصيحتى ليكوا كلكوا تحافظوا عليها
الجميل فى كل ده انك تفيد بيه كل اللى حواليك ممكن لما ييجى عليك يوم وتجمع اولادك حواليك تحكيلهم اد ايه كنت مستهتر وحصلك كذا بعدها اتعلمت تتحمل المسئولية
او حد منهم اتصرف غلط حبيت تنصحه يتصرف ازاى بعد كده بس عن طريق انك تحكيله عن موقف مشابه عملته وتقوله ايه اللى حصل نتيجة غلطك.
البشر كتير ومختلفين وتفكيرهم مختلف اكتر وكل انسان له مبادئه لكن مع ذلك بيتفقوا على ان الصح صح والغلط غلط.
بس مع وجود منتدانا الجميل اكيد بنستفيد.
كل اللى انا عايزاه ان كل عضو عنده حكمة طبقها النهاردة اة فكرة كونها او حتى نصيحة نتيجة تجربة يكتبها عشان نستفيد ونتعلم ونعرف ايه هى المبادئ اللى عند كل انسان وازاى الناس اصبحت بتفكر وتتعامل مع غيرها بس يا ريت نتابع الموضوع ده علطول لان تجارب الانسان لا تنتهى طالما هو على قيد الحياة والغرض طبعا اننا نفيد بعض بيها
وعلى فكرة كمان نقدر نتناقش فى الاراء.

ابتدى انا
النهاردة حصلت لى مواقف كتير اهمها واللى كان شاغل تفكيرى طول اليوم
ان والدى ووالدتى هما اكبر نعمة فى الدنيا لولاهم كنت اضيع لكن تحدث منهم بعض المواقف التى تجعلك تتمنى من الله ان يديم هذه النعمة اكثر واكثر لايمكنك ان تقول كيف يتدخلون فى خصوصياتى لانهم منذ ان ظهرت على وجه الارض وكل همهم هو الاهتمام بخصوصياتك وجعلك افضل فكيف تقتنع بشى اخر غير انهم خلقوا لسعادتك.
فنصيحتى النهاردة ان كل شخص يدعى لوالديه ان يبارك فيهم وفى عمرهم ويرحمهم ويجعل مثواهم الجنة