دفع الضرر عن المظلوم وظهور الحق

يا فرعون احنا نعرف اللواء كويس وعارفين أخلاقه مش ممكن يألف قصه زي دي وهوه قال كده نتيجة شكوك أكيد وانا بحاول اتصل بإدارة المنتدى عشان يشوفوا الموضوع ده وأكيد هيحصل فيه تحقيق

بسم الله الرحمن الرحيم


انا مش عاوز اقول حاجه واحده للاخ العضو الفرعون انا عاوز اقوله شويه حاجات:

أولا:-الموضوع اللى انا كاتبه عنك معلش اسمحلى دا مش ظن دى حاجه انشاء الله انا متأكد منها بعد ما كلمتنى العضوه الاخت العزيزه على اللى حصل فى جهازها وسرقه كل البيانات وغير الكلام الوحش طبعا اللى اتقالها.
كل ده كان كفايه بالنسبالى ان اشك فيك لكنى حبيت أتأكد اكتر دخلت فى موضوعك نزلته وبالفعل لقيت البرنامج اللى انت نزلته ده عباره عن تروجان يعنى مش زى ما انت قلت خالص.

ايوه بالمناسبه كمان انا ضغط عليه والبرنامج مافتحش وطبعا أتأكدت اكتر انه ملف تجسس وعلى فكره
الانتى فايرساللى عندى ما كشفوش زى مانت بتقول لكنى لقيته فى قائمهstart up
دا طبعا بعد ما حاولت ادلته لكنه ما اتمسحش والحمد لله ربنا اعنى عليه ودلته.
ونزلت الطريقه دى فى موضوعى.

ثانيا:-أوعى تفتكر ان انا ليا صلاحيه فى المنتدى انى أخرج حد منه.
لا طبعا لكن ليا الحق انى اقول على حاجه انا شايفها غلط.

ثالثا:-وده مش بس ليك دا لكل اخواتى فى المنتدى انا مش ممكن اكتبلك ايميلها وبطلب دا من كل الاعضاء عدم كتابه ايميلاتهم فى المنتدى ممكن كلنا نكتبها فى رساله خاصه للشخص اللى احنا عاوزينه يعرفه دا طبعا ياجماعه بعد ما اتأكدت بنفسى انى ممكن أجيب باسوورد أى ايميل عن طريق معرفه الاسم بس والطريقه معايا ماشى يا/dr.mostafakamel10@yahoo.com

رابعا:-انت بتقول ان انا خايف من حاجه واحب اعرفك انا لو مايلزمنيش هذا المنتدى انا كنت طنشت
لكن حبيت انبه الناس الغاليه عندى.
وفى حاجه كمان اننامابخافش وانا فى بيتى وهذا المنتدى انا بعتبره هوه بيتى والحمد لله دا بشهاده الاخوه الاعضاء.

خامسا:-وده المهم بالنسبالك انت عاوز تعرف مين هى العضوه دى لكن انا مش هاقول على اسمها الااذا طلبت هى منى كده لكن انشاء الله هى اكيد هتخش بنفسها وتقول للكلولو عاوزها تحكى ممكن تحكيلك بس انت تأمر.

أما بالنسبه لأخى الكبير أشرف فاأنا لازم طبعا أعرفه مين هى العضوه دى.

سادسا:-ودى أخر حاجه معلش استحملنى طولت عليك

انا عارف طبعا عقوبه القذف انا فى الاصل ازهرى يعنى الحمد لله حافظ للقرأن وللحق يعنى مش كله بس الحمد لله على أدى.
وانا ماعملتش كده الا لما اتأكدت بسم الله الرحمن الرحيم
(..........فتبينوا أن تصيبوا قوما بجهاله فتصبحوا على ما فعلتم نادمين) صدق الله العظيم.

السلام عليكم ورحمة الله وبركاته

ممكن يااستاذ فرعون تعرفنا كلنا حضرتك دخلت المنتدى عن طريق مين

ومين دلك على المنتدى عشان نعرف اساسا انت مين

انت دخلت المنتدى وكلنا رحبنا بيك زى ما بنرحب بكل عضو بيدخل المنتدى وبنعتبرو اخ لينا ومن غير مانعرفو ولا نكلمو لان ردودو بتعرفنا شخصيتو
بس لما الامور توصل للدرجة دى احب اعرف انت دخلت المنتدى عن طريق مين

ومين اصدقائك فى المنتدى

ومين الى مش عايزك تكون موجود معانا

اتمنى ترد على كلامى لان هيكون فى كلام تانى لسه للحوار بقية واذا كنت هاكر وبتحب تعمل الحجات دى تبقى متلزمناش وسطينا احنا هنا اسرة واحدة
اعضاء المنتدى قليلين بس الترابط احلى حاجة فينا
والهاكر معناه عندى تعدى على حقوق الغير
وده مااحبوش يبقى موجود
اتمنى ترد على كلامى وتعلن عن اسمك الحقيقى كمان
وحقك عندى يا العضوة الى حصل معاكى ده
وان شاء الله حقك هجيبهولك
ومعزرة ياجماعة الجهاز عندى بايظ وبيفصل كل دقيتين
بس هدخل تانى واشوف اخر الحكاية دى ايه وان شاء هنحلها

تسلمي يا فراشه
وطبعاً بعد كلامك مفيش كلام تاني ويا فرعون يا صغير الفراشه دي مديرة المنتدى وكلامها آخر كلام ونافذ عالكل وخللي الحوار معاها وعالعام وزي ما قالتلك كلنا اسره واحده ولازم كلنا نعرف ايه اللي بيحص
تسلمي مره تانيه يا فراشه

اله عليكى يافراشة كنت واثق انك عمرك ما هتخذلنى
وعموم اخى الفرعون وبجد انت مين اللى دلك على منتدنا من خلال معرفتنا لشخص اللى دلك يبقى اكيد
هتظر لينا النقاط وهنبدا كلينا نحط النقاط على الحروف
واكيد العضوة اللى حصل معاها كدة عارفة ومتاكدة انكم كلكم بتحابوها زى اختكم واكيد برضة مش هتقبل من اعتذار لان مفيش بين الاخوات اعتذار
شكـــــــــــــــــــــــــــرا يا فراشتنا وياريت لو تتبعى
وانا متشكرا لكى انتى واخى الغالى اشرف على كلامكم الجميل
شكـــــــــــــــــــــــــــــــــــــــــــــــــــــــــــــرا

ياريت يا أخ مصطفى تعرف ان المنتدى هنا مش معمول لربح مادي ومحدش بيكسب من وراه فلوس يعني من الآخر محدش متبت في المنتدى لكن كلنا بنحب المنتدى عشان احنا فيه مش عشان المنتدى نفسه عارف زي إيه تخيل لو مجموعه من الناس بيتقابلوا في مكان معين زي صالون الإتنين بتاع مي زياده لو البيت اللي فيه الصالون وقع هيبطلوا يتقابلوا ؟ لأ طبعاً أكيد هيشوفوا مكان تاني يتقابلوا فيه
يا أخ مصطفى كلنا هنا في رومانتيك أسره واحده يجمعها الحب في الله واحترام النفس والغير لو عاوز تستمر معانا على كده أهلاً وسهلاً مش عاوز مع ألف سلامه وكفى الله المؤمنين القتال

إوعي يا سوما كلنا عاوزينك إوعي تسيبي المنتدى اللي مش من نسيجنا ومن طباعنا هو اللي يسيب المنتدى لكن انتي لأ إحنا مع بعض على طول في أي مكان فاهمه يا سوما مع بعض على طول انا وانتي والفراشه ودموع الندى والطائر واللواء والشاعر ويويو وعيون المهى وهمسه وكل الناس الكويسين مش عاوز اقول اسماء كتيره عشان منساش حد خلاص يا سوما

اعزرونى يا جماعة على عدم تواجدى اليومين دول نظرا لظروفى الصحية
وان شاء الله اكون معاكو تانى
انا زعلت جدا لما عرفت ان اللواء عايز يسيب المنتدى ليه يا لواء انت مش عارف غلاوتك عندنا ولا ايه انت مش عضو انت صاحب دار ولا ايه يا اشرف يعنى ليك كلمة مسموعة عند الجميع وبتهيالى اى منتدى ليه قوانين واللى بيتعدى القوانين دى مرفوض وجوده معانا واللى بيلتزم بيها اكيد كلنا بنكون سعداء بتواجده معانا وبيشرفنا وجوده وسطنا
كلامى واضح للكل سواء انت انا اشرف الفراشة الطائرالفرعون اى شخص داخل المنتدى من اول الادارة لحد اصغر عضو
ومش بنسمح ابدا لاى شخص ان يتعدى الحدود دى
ويا اخ فرعون احنا مش بنخاف من الاسم دا خالص دا كان زمان فى عهد الفراعنة احنا مسلمين والمسلم لا يخاف الا من اللى خلقه وبس انت دخلت وسطنا واحنا رحبنا بيك فلا يكون جزاء الاحسان الا الاحسان
ولو فعلا الكلام دا صحيح وانت اكتر واحد بتكون عارف ان كان صدق او لا لانك انت المتهم بيه فلو كان دا حصل فعلا فيا ريت تنسحب بهدوء ونكون شاكرين ليك جدا
وارجو منك اخى اللواء طالما انت عارف مين هيا الاخت اللى حصل معاها الكلام دا انك تخليها تدخل المنتدى وتتوجه هيا بنفسها بتقديم الشكوى فى رساله خاصة للفراشة
والاخت سوما ليه عايزة تسيبى المنتدى انا فهمت كدامن كلامك انك انتى اللى عرفتى الفرعون منتدانا واشترك معانا عن طريقك يا ريت تصححيلى المعلومة دى
وبعدين احنا مشوفناش منك الا كل طيب ومفيش حد اشتكى منك خالص احنا سعداء بتواجدك معانا جدااااااااااااااا وبعدين كل انسان بيتحمل نتيجة خطئه هو مش خطا غيره
انا اسفة انى طولت عليكو فى الكلام


شكرا ليكم

تسلمي يا دموع الندى ويسلم لسانك يا غاليه بس عاوز اوضح حاجه سوما متعرفش الفرعون هوه عمل هاكر عليها بالصدفه ده حسب ما سمعت واللواء حكالي على الموضوع كله وانا قولتله اكتب الموضوع للفراشه عالخاص وهوه عمل كده فعلاً وانا ماكنتش عاوز اتكلم في الموضوع ده بس طالما اتعرف لازم اقول وأوضح ان سوما مالهاش علاقه بالفرعون ولا تعرفه هوه بس هكر على جهازها ودخل المنتدى منه وسوما مننا يا دموع الندى نفس نسيجنا ونفس أصلنا يعني زيك وزي الفراشه والطائر وباقي البنات اللي في المنتدى نفس الأدب والأخلاق بتاعتكوا يا غاليه وربنا يكرمك مره تانيه يا دموع الندى على كلامك الراااااااااااااااائع ووحشتينا أوي وحمدالله على سلامتك وألف سلامه عليكي يارب وربنا يقومك بالسلامه وقوليلنا عالميعاد عشان نصوملك يوم وندعيلك يا اغلى اخت