قدها ولا مش قدها

انا عارفة انك تقدر بس كده كتير ممكن زلطة صغيرة بلاش صخرة
ربنا يخليك لشذا ولمامتها ويبارك فى عمرك
بس انا بخاف من المناظر دى طبعا مش هقدر ادبحه
بس بكرة لما ادخل الكلية هشرح الحاجات دى غصب عنى ولو ان المناظر دى وحشة وانا بخاف منها
اللى بعدى
لو فى خناقة بالسكينة والحاجات اللى احنا عارفينها
هتسلك بينهم ولا تبعد عن الشر وتغنيله

ابعد عن الشر احسن اخد سكينه

فى مثل بيقول ايه مابينوب المخلص الا ايه بقا

هههههههههههههههههههههههه
تقدر تتخانق انت بقا بلسكينه

والحاجات ديه
قدها ولا

لا مش قدها
ولو مخنوقة مش هعمل كده
هدى النفوس يا لوا احنا جيران احسن تستنانى عالناصية
جيرانى كويسين اوى
اللى بعدى
لو فى حرامى فى الشقة ومعه حاجة بتعور وانت نايم وحاسس بيه هتنام ولا هتقوم وتتشاهد على روحك وحلال عليه كل اللى خده

طبعاً يا ايمو هقوم النبي عليه الصلاة والسلام قال من مات دون ارضه فهو شهيد من مات دون ماله فهو شهيد من مات دون عرضه فهو شهيد والغريق شهيد والمحروق شهيد والمهدوم شهيد والمبطون شهيد يبأه انال الشهاده او انا اللي اكسب
بمناسبة السكينه في موضوع زي ده حصل معانا واحنا في ثانوي او اوائل الجامعه
كان فيه بنت في المنطقه عندنا دلوعه اوي مستهتره بصراحه وكانت بتسهر كتير في الشارع
المهم في يوم كانت واقفه في نادي فيديو قصادي على طول وجاي واحد صاحبي اسمه نور بيقول لواحد تاني مي دي يا محسن قال له اه المهم وهي واقفه عند نادي الفيديو اتنين مساطيل جايين وعاوزين يخطفوها راح نور جاري على واحد بلطجي صحاه وقال له الموضوع قال له خد السنجه دي وانا جاي وراك
راح نور جري لقى المساطيل خلاص بيشدوها عالعربيه راح واقفلهم بالسنجه طبعاً شايفينه ابن ناس ومالوش في المواضيع قالوله اجري يا لا العب بعيد راح رافع السنجه ومهوش واحد منهم راح رافع ايده راح نور نازل على صباعه قطعه راحوا واخدين العربيه وجريوا وسابوا البنت وهم بيقولوا والله لنوريك المهم نور اختفى من المنطقه ييجي كام شهر ورجع بس تصرف كويس

اللي ورايا تقدر تواصل يومين صيام اصلي ميت من العطش

لا مش قدها لو من غير ميه
اموت من العطش انا كمان
اللى بعدى
تقدر تمشى حوالى 3 او اربع ساعات من غير ما تقعد فى النص

ايوة اقدر
انا بلعب لياقه بدنيه وممكن اجريهم كمان

تقدر تجرى ساعة للخلف بظهرك

لا مش قدها
انا يوم ماجريت فى سنة تالتة ابتدائى 3 دقايق وقعت على حتة رصيف ربنا ما يوعدكوا بيه
اى نعم اتعورت يومها بس بصراحة كانت حركة حلوة اوى
اللى بعدى
تقدر تبص على مناظر وحشة زى مثلا الشاب اللى طلعوه من قبره كانت صورته وحشة اوى
تقدر ولا لا

لا مش قدها طبعا انا مليش فى الكلام دة خالص
اللى ببعدى
تعرف تنط فى حمام السباحة على ارتفاع 30متر

لالالالالالالالالالالا
مش قدها مش بعرف اعوم وبعدين المسافة كبيرة اوى خليها نص متر
على راى يويو بنعوم عوم كلاب
اللى بعدى
لو حد طلب يقعد عالنت وانت محتاجه بس هو طول فيه وانت عاوز تقعد تقدر تقومه ولا لا

لو انا محتاجة بجد هقومه بس بذوق هحددله وقت ويخلص فيه
اللى بعدى
لو انطلب منك تنزل من الدور الخامس الى الارضى على ماسورة والجدار مساوى زى جداى الشقه تقدر

اقدر
بس مش هبص لتحت وانا نازلة احسن انزل وماقومش تانى
هاخدها زحاليق عالماسورة بما ان الجدار مساوى
بس لو وقعت ابقى اقرا على روحى الفاتحة
خليها التانى احسن
اللى بعدى
تقدر تقعد فى بيت لوحدك وفيه دور مسكون عفاريت ومفيش حد فى البيت الا انت وبس

بصراحه لأ
بس حصلت حاجه قريبه من كده
عندي خالي الكبير مواليد شبرا في القاهره ولما جه يتجوز بني فيللا في البلد بلبيس
واتجوز فيها وشغله في القاهره
كان لسه متجوز بقاله سنه كده وما كانش عنده أولاد وكان فيه ايام بيبات فيها بره عشان الكونترول بيتأخر فطلب من وانا في ثانيه ثانوي اروح ابات مع مراته عشان متخافش
المهم واحنا بنتعشى بتحكيلي انها بتسمع صوت حصنه جمع حصان ماشيين في الشقه
قولتلها متخافيش
المهم دخلنا نمنا هي في اوضيتها في وان اوضتي قبلها بأوضتين كده بس انا اقرب للباب وللفرنده هي لجوه شويه وبعدين قرب الفجر سمعت صوت درجن درجن حصنه بتمشي
قريت آية الكرسي
وشوية قرآن واتشجعت وخرجت مافيش حاجه في الصاله فتحت الفرنده ودخلت مافيش بصيت عالشارع لقيت حصنه بجد ماشيين في الشارع زي ميكون دورية شرطه واطمنت ونمت وحكيتلها الصبح
اللي بعدي

نقدر تاكل كرتونة مانجا

انا لو مكانها كنت نمت فى الشارع
بس كرتونة بحالها
انا مش بكمل مانجة واحدة
تقولى كرتونة
لا طبعا مش قدها
اللى بعدى
تقدر تقعد يومين من غير ما تنام دقيقة واحدة

والله بتحصل في الحج يا ايمو ربنا يوعدك
اللي بعدي
تقدر تاخد دوش في الصحراء الفجر في عز الشتا بميه ساقعه وخللي بالك في الصحراء يعني مفيش حيطه ولا باب

يعنى حبكت ياخد دش فى الصحرا لا وكمان الفجر فى الشتا
هو معاه ميه للشرب ولا للدش
وبعدين دى صحرا يعنى من غير باب او حيطة مش مشكلة بس لو الميه خلصت وعاوز يشرب هيعمل ايه
بس والله سؤال جميل
مية ساقعة فى الشتا ده انا مش بحبها فى الصيف يبقى كمان فى الشتا
اللى بعدى
تقدلا تمشى بالليل الساعة 3 مثلا فى شارع ضلمة ومفيش فيه ولا مخلوق صاحى اه وفيه حاجات وحشة مثلا قطة سودا

لو حكمت الظروف لازم امشي اعمل ايه يعني

اللي بعدي

ياللا يا ايمو لو واحد صايم تطوع وعامل كوباية عصير يفطر عليها يعني لو يويو مثلاً هي اللي عامله كده تقدري تشيلي كوباية العصير من قدامها وتشربيها في هزار

لا طبعا ده انا لو هموت مش هعمل كده انا ازودها مش اخدها
انت بتهدى النفوس ولا ايه
بهزر
اللى بعدى
تقدر تاكل التلج او حتى تستحمله دقيقة واحدة

وانا قدك كده يا ايمو كنت باعملها بس بعيد عنك سناني باظت من كتر الإستخدام

اللي بعدي تقدري تمسكي تلجايه في ايدك وتقفلي عليها لحد ماتدوب

عملتها فى مرة وانا بنضف التلاجة مع ماما
بس ايدى وقفت وحطيتها تحت المية بس حرمت من يومها اصلها وجعت ايدى اوى
اللى بعدى
تقدر تنط من السطح لسطح بيت تانى قدامك يعنى المساغة مش كبيرة اوى

والله كنت باعملها وانا صغير لما نسافر البلد كانت فيه حاجه اسمها الفلقه نص نخله بيحوها عالترعه وبتديها وانت حافظ توازنك فيه مناطق كانوا بيحطوا اتنين جنب بعض دي اسهل وفيه كانوا بيملوا الفرق بالطين بتكون اسهل واسهل لكن الفرده الواحده بجد كانت صعبه معرفش اعملها دلوقتي ولا لأ وكان فيه الرشاح كنا بنعدي من فوق ماسورة المياه شوف باه مدوره ازاي
اللي بعدي تقدر تطلع فوق الهرم بمجهودك

اقدر بس ما ابصش تحت خالص وانا طالع ولا حتى وانا فوق
اللى بعدى
تقدر بعد ما تطلع الهرم تبص على الارض

اقدر بس باحس احساس غريب بقشعره كده مش دوخه

سؤالي بأه ودي انا عملتها شخصياً تقدر وانت عايم في الميه ولابس نضارة الميه وبتتمتع بالسمك والصخور تبص فجأه تلاقي جنب جبل تحاول تبص تحت شويه متلاقيش آخره عينك تجيب آخر مداها ومش محصل آخر الجبل تقدر تستحمل المنظر ده

لالالالالالالالالالالالا
مش قدها انا لوبصيت للسلم وانا فوق بدوخ وبحس انى هقع يبقى ابص فى العمق ده
اخاف موت عملتها مرة بس ماكنتش كده كانت حاجة تانية ويا ريتنى ما عملتها وقعت وماصحتش الا وهما بيفوقونى كنت فى سنة تالتة ابتدائى
اللى بعدى
لو مصدع موت ونفسك تنام لو نص ساعة حتى وجات مثلا بنت اختك عشان تلعب معاك
هتسيب النوم مع انك هتموت وتنام نص ساعة

مجبر اخاك لا بطل انا من النوع اللي لو حد قلقني خلاص يعني النهارده مثلاً ما نمتش خالص فين بعد الفجر بساعه جالي نوم نمت شويه كانت 6:30 قلقت 7:30 نمت تاني 8 قلقت 10 معرفتش انام قومت نزلت جبت ساندويتشات ورجعت فطرنا وشربنا الشاي وقعدنا شويه الضهر اذن قولت مش نازل الشغل انزل بالليل واريح شويه عيني تروح في النوم تيجي شذا تقول بابا عاوزه رنجه اقولها حاضر وارجع انام تاني ترجع بابا عاوزه اروح النادي اقوللها حاضر وارجع انام تاني وبعدين رجعت بابا ماما دلقت الرز اضربها لو دلقته تاني اقوللها حاضر المهم كل ده والساعه كام 2:35 طيب انا مخلص صلاة الظهر كام حوالي اتنين الا ربع يعني القصه دي تلات ارباع ساعه طبعاً اقدر الإجابه الصريحه على سؤالك

اللي بعدي
تقدر تقشر شوال بصل يا رب تطلع ايمو او سوما

اكيد لو اتزنقت فيه هقدر
ولو انى هعيط كتير
يعنى حهزولى اكبر قدر من الكرينكس
تقدر انت تعمل منتدى زى دا واستايل هايل بالورد البلدى
الفراشة عاملة شغل جميل الله ينور عليها
كانت وحشانا كتييييييييير
بس دموع اختفت هى كمان ليه

بصراحه مقدرش الفراشه تسلم ايديها الطائر طمنتنا على دموع بتقول انها بخير وهتدخل قريب

اللي بعدي تقدر تاكل 4 ارغفه حواوشي ملهلبين شطه وسخنين نار

.............................................................

اخى الغالى هانى مش عارف انا مش عارف كل رد ليك عامل كدة لية
بس عموما اخى اشرف ارد انا على سوالك
انا عن نفسى مش بعرف اكل حاجة سخنة ولافيها شطة
يعنى بالعربى لا مقدرش

اقول انا السوال بقة
تقدر انت تاكلهم ؟؟؟؟؟؟

اقدر آكل اتنين منهم بس ميكونوش دسمين

اللي بعدي

تقدر تاكل كيلو آيس كريم في خمس دقايق قبل مايسيح يعني

كيلو
طب انت عارف
انا لما خرجت مع اصحابى
هما جابوا ايس كريم كوباية
وانا جبته فى بسكويت
على ما عديت السكة بس مكملتش دقيقة يعنى
لقيته ساح على ايدى
بدلت مع صاحبتى واخدت الكوباية مع انى مش بحبها
وروحت اجيب مناديل
على ما رجعت لقيت الكوباية هى كمان ساحت
سبتها لا اكلت دى ولا دى
اللى بعدى
لو نحلة قرصتك تستحمل
مع العلم انك قاعد قدام مدرس ومش هينفع تصرخ

طب انت عارف انى اتقرصت ومعرفتش اصرخ
يعنى لو فى جامع وبتصلى هتصرخ ولا هتستحمل
صاحى دى بقى
لا طبعا انا بخاف منهم لو فى التليفزيون
يبقى ادوس عليه
يا لهوووووووووووووووووى انا اموت

طب تقدر انت

انا بروح يوم القفه من كل عيد بس بالنهار
ومقدرش اروح بليل لوحدى
انما لو حد معايا ممكن انا حضرت دفنه بليل مرة بس مكنتش لوحدى
فاكر يا معلم

بما ان اللى قبلى ما سالش سؤال
ريحنى بردو اسال بقى
لو شفت بنت مثلا وفى شباب عضلات بقى ويا دوب واصل لركبتهم يعنى من الاخر تطلعلهم بسلالم بيعاكسوها
ولو اتخانقت معاهم هينفخوك لحد ما يبان لك صاحب
هتحوش عنها
ولا يلا يعنى هما هياكلوها وتنفد بجلدك احسن بس اعمل حسابك على نمرة المطافى والاسعاف والهلال الاحمر كمان
هتتنفخ لو كلمتهم

سؤال وجيه أوي يا إيمو
انا لو شوفت الموقف ده أولاً هتصل بالدوريه الراكبه وأي حد من أصحابي وأروح أدافع عنها
طبعاً هعطلهم عالأقل لحد مايوصل المدد
ولو ضربوني كفايه اني عملت اللي عليا
ولو مت فأنا شهيد كما قال رسول الله صلي الله عليه وسلم من مات دون عرضه فهو شهيد
بالمناسبه مره اتسرقت محفطتي وانا بدافع عن بنت بس تقريباً كانت معاهم
بس بجد مندمتش
اللي بعدي
تقدر تقعد ربع ساعه قبل آذان المغرب تبص للعصاير وانت عطشاااااااااااااااااااان

لا انا مش ببص
انا اللى بحضره
وبعدين يعنى فاضل نص ساعة ولا ساعة
يعنى استحملت اليوم كله
مش هستحمل الباقى
اللى بعدى نفس السؤال اللى سالته لاستاذ اشرف
يا ريت يكون اللوا او انا ليك على طول
يلا يا لوا
هشوفك هتعمل ايه

هعمل ايه
لا طبعا مش هسيبه الا على جثتى بردو
اى نعم انا لو دخلت فى الخناقة هينفخونى بس مش هسيبه
هحدف طوب زى اللى بحدفه عليكم او هصوت والم عليهم الناس
وهعمل زى استاذ اشرف
هتصل بالدورية هتصل باى حد ييجى يلحقه قبل ما يتنفخ
الموقف ده حصل بس معايا انا ويويو كنت بشرب وفى واد رزل جه رخم علينا فى المدرسة
واخد المية منى بس يومها انا ويويو نزلنا عليه ضرب
اصله لو قعد علينا احنا الاتنين هيفقطسنا ده مكنش واحد ده كان 5 فى بعض
اللى بعدى
لو بتخاف من المناظر بتاعة التشريح والجثث والمفروض انك تشرح وتفتح جثث وحاجات من دى وانت بتخاف اصلا
هتعمل ولا لا
اصلى دخلت عالكلية النهاردة وشفت المواد اللى هدرسها
من ضمنها تشريح ربنا يستر انا بخاف من المناظر دى بجد

لا يويو قسم كيمياء مش عندها تشريح
ده فى البيولوجى
سؤالك بقى
هعصر على نفسى ليمونة لو هسلم عليه
بس فى التعامل مش هكلمه
عادى كانه مش موجود ما دام مش فارقة عنده اكلمه او لا
بس لو صاحبى غالى عليا
اقصد صاحبتى ماتفهمش غلط
هعرفها انا زعلانة ليه
لو صاحبة عادية
مش هكلمها الا لو سالتنى حاجة او طلبت منى حاجة
عشان مجبش غلط من عندى بس تعامل مفيش
حصل الموقف ده مع يويو صاحبتها معاها مش بتكلمها مع انهم كانوا اصحاب اوى
يويو دلوقتى مش بتكلمها غير ازيك الله يسلمك
بس انت لو مخنوق منه ماتتعاملش معاه ابعد عنه لحد ما يعرف من نفسه انه زعلك او انك مخنوق منه
يا رب اكون افدتك انا لو فى موقف كده هعمل اللى انا قلته ده
اللى بعدى لو حصل سوء تفاهم كبير بينك وبين صاحبك وده خلاكم بعدتوا عن بعض ولو رجعتوا مش هترجعوا زى الاول
هتعمل ايه مع انك حاولت كتير تصلح اللى حصل ومعرفتش
مع العلم ان صاحبك غالى عليك جدا

هااى شله
عاملين ايه
ارد على سؤالك يا ايمو الاول
سورى يا لواء

انا لو شفت واحدة وشباب العضلات بيعاكسوها ننظر فى امرها لو كانت مبسوطه بالسيلكون اللى الشباب نفخينه يبقى ربنا معاها ربنا يسهلها كمان وكمان ...دى مش خايفه على نفسها هخاف انا عليها ازاى

اما لو هيه محترمه وكويسه اكيد مش هعمل عبدة مواسم واهجم لكن كله بالادب والذكاء
وهتعامل معاهم بردة ولو جت يا ستى على النفخ مش مهم الابر الصينيه دلوقتى حلت الموضوع وانا متعود على النفخ انا واخد وانا فى الثانوى تانى غربيه فى البوكس
فعادى بقى


انت يا لواءء
بس ايه الاسئله الجامدة دى يا مجرم
ياسيدى لو صاحب صحبه بجد هقبل بس هبقى نفسى مسدودة بسبب الموقف اللى عمله وهحتاج وقت كبير انى انسى الموقف بس بدام زعلنى ينسينى دا لو كان صاحب صاحبه بجد
اظن انا كدة فى السليم

انا بقى
لو انت وبدافع عن الواحدة دى ومات حد فيكم انت او الللى بتضربه هيكون مصيرة ايه زى اللى قال فيهم الرسول الكريم القاتل والمقتول فى النار
دا سؤال

ايه الرواقة دى
وكمان طالع التانى
لا انا احاسب احسن تطيرنى
سؤالك بقى
مش عارفة انت سالته ازاى بس انت قلت الاجابة اصلا
بدافع عنها يعنى لو اتخاتقت مش فى نيتى انى اقتله انا بخوفه يمكن بس لو ضربته مش بفكر انى اقتله
انا عاوزة ابعده بس
ولو مت فأنا شهيدة ان شاء الله كما قال رسول الله صلي الله عليه وسلم من مات دون عرضه فهو شهيد
هو بقى الله اعلم هو فى نيته ايه هو باللى عاوز يعمله يبقى اكيد نيته مش خير
السؤال ده فكرنى بقصة فى القران
بجد انت اكيد عارف الاجابة بس ماجتش فى بالك
هسيب اللى بعدى يجاوب عليه احسن منى
ويا ريت تعتبر انى مكتبتش حاجة واقرا اللى هيكتبه اللى بعدى احسن

لأ طبعاً مش دي يا هاني
دي في حالة اذا التقى المسلمان بسيفيهما معناها والله أعلم انها خناقه متكافئه يعني على حتة أرض على فلوس كده يعني
لكن في حالة الدفاع عن العرض الرسول قال
من مات دون أرضه فهو شهيد من مات دون ماله فهو شهيد من مات دون عرضه فهو شهيد والمبطون شهيد والغريق شهيد والمهدوم شهيد والمحروق شهيد صدق رسول الله صلى الله عليه وسلم
طب يا ريت يا هاني اشوف موقف من دول وأموت فيه النبي نفسه قال شهيد
اللي بعدي
هغير الموضوع بأه
يارب تكون إيمو
لو فيه كلب سعران وانتي وصاحباتك واقفين وجه جري عليكوا تتصرفي ازاي

انت قولتلى عالحل قبل كده
بس يا رب ما اشوفش حاجات من دى
بجد بموت منها مش عارفة انا هدخل الكلية ازاى
اقولك من غير نصيحتك
يبقى مش هجرى بس لو فى حاجة عالية هنط عليها
ويستحسن انى اجرى بردو لو هعرف اهرب منه
انما بنصيحتك هجرى بس مش فى خط مستقيم بطريقة الزجزاج
عشان هو مش بيشوف غير اللى ماشى مستقيم
ايه رايك بقى على ما اعتقد هى دى النصيحة اللى قولتها
انا كنت بتفرج على حلقة رامز وكانوا بيدبحوا تعبان
انا مقدرتش ابص كنت خايفة
بسال يويو بقولها هو انا بكره هعمل كده
قالتلى لا انتى هتفعصى مش هتدبحى
اعتقد انى هبقى نباتية بعد ما ادخل عشان المناظر اللى هشوفها
اللى بعدى
لو عاوز تعدى من ناحية للناحية التانية ومفيش غير خشبة عريضة فة النص بين الطريقين والخشبة عالية جدا
وانت عاوز تعدى هتعدى ولا تخاف تقع

صح يا إيمو ده التصرف السليم انا نسيت اني قولتلك عليه
بالمناسبه أنا في الأصل مهندس زراعي تخصص إنتاج حيواني يعني شرحت كل الحاجات دي وعارف سلوك الحيوانات ودارسها ومره كنت بشرح ضفدعه وفاقت من البنج وكان يوم انقذني أخويا الله يرحمه هوه كان دكتور كيمياء حيويه وبيولوجي
المهم ازاي بقيت مهندس مباني
اقوللك القصه
انا لما سافرت السعوديه اشتغلت في شركة مقاولات فمدير الشركه فكر قال نخللي المهندس الزراعي في المكتب يتابع الشغل ويعمل تنسيق بين المواقع وننزل كل المدني المواقع
انا مسكتش على كده أخدت دورات حسابات كميات ودورات تخطيط وبرامج حسابات هندسيه وكميات وتخطيط وأصبحت والحمد لله من أشهر مهندسي التخطيط في جده ورغم إني في الأصل خريج زراعه لكني في الموقع أعلى من المهندسين المدنيين والمعماريين وأصبحت مش بس مهندس تخطيط عادي لأ بقيت مدير الدراسات و التخطيط والمتابعه في الشركه
أرجع لسؤالك
عملتها لما كنت بسافر البلد وكنت بمشي عالفلقه وتحتي فرع من النيل

اللي ورايا

لو شايف حد هتخبطه عربيه تقدر تجري وتاخده من قدامها