قدها ولا مش قدها

بأذن الله هقدر بس لو ربنا كاتبله انى الحقه

تقدر تعوم فى بحر زى بحر كوبرى الرباط
هههههههههههههه ع
عمقه ميقلش عن 300 وامتداد بالكيلوات

انا سمعت الاسم ده قبل كده
بس مش عارفة هو فين
اه هو فى المحلة بس انا اخرى الشون وبعد كده معرفش اكمل
لا مقدرش عشان بخاف
انت عرفت عمقه ازاى
بجد هو فين انا بيتهيالى ماشفتوش قبل كده
او جايز شفته بس مش عارفاه
اللى بعدى
تقدر تمشى فى غابة لوحدك بس بالنهار يعنى حرام بالليل

اذا اطرتنى الظروف
اللى بعدى
ممكن تتكبر على المكان اللى انت عايش فيه
ههههههههههههههه

لا مش قدها
هتكبر ليه
انا احسن من غيرى بكتير
اللى بعدى
لو اتحطيت فى ظروف انك تختار بين حياتك وحياة اغلى صديق عندك
بالنسبة ليك مش صديق ده اكتر من اخ
هتختار نفسك ولا هتفضله عليك
ومفيش تراجع يا انت يا هو

سؤال صعب أوي عادة المواقف دي بيكون التصرف بالعاطفه لكن لو بالتفكير هشوف مين افيد فينا أو مين اللي عنده ناس محتاجينه يعني اللي عنده زوجه وأولاد أولى انه يعيش من اللي معندوش اللي عنده أولاد صغيرين أولى من اللي أولاده كبروا يعني ده لو هنختار بس طبعاً كل شيء في ايد ربنا
عن اذنكوا عشان الحق آكل لقمه واصلي لحد الفجر
تصبحوا على خير

وانت من اهل الخير
فى رعاية الله
بس انت ماسالتش
يلا انا هقوم بردو عشان اصلى بس هعمل حاجة الاول
ومش هسال اللى بعدى
ريحته

خلاص أسأل أنا
على فكره حصل معايا الموقف ده
لو إنتي والعيله كلها كنتوا صايمين في رمضان وعملتوا عمره وجه وقت الفطار وانتوا في الحرم وكنتوا كل اللي جايبينه معاكوا صينية كنافه وكان بابا شايلها في إيده وانتوا لسه هتمدوا ايديكوا وتاكلوا لقيتوا الناس هجموا وافتكروها سبيل وابتدوا ياخدوا وفاضل حته واحده
السؤال تقدري تمدي إيدك وتاخديها قبل حد تاني

لا لسبب بسيط
انى مش بحب الكنافة
لا بجد مش همد ايدى الا لو عرفت ان عيلتى اكلت الاول منها
مش هعرف اكلها وانا عارفة انهم ما اكلوش منها
وبعدين ليه الكنافة انا مش بحبها
اللى بعدى
تقدر تقعد فى الصحرا لوحدك وبالليل وفى حاجات وحشة فى الصحرا وانت مش معاك حاجة تدافع بيها عن نفسك

طبعاً صعب جداً بس لو اضطرتني الظروف هعمل ايه لازم أقعد
اللي ورايا
تقدر تنطط الكوره 250 مره من غير ما تقع على الأرض

انا اقدر بس بالتمرين
بس حاليا اخري انطء الكورة 100بس مرة واحدة
اللى بعدى
لو واحدة بتحبك جدا وادامك محترمه جدا ومتقدرش تعيش منخير فعلا
وتعملها اختبار وواحد يعاكسها فى التليفون راحت شتمته بالدين
تقدر ترتبط بيها مع انها نجحة فى اختبار وطلعت مخلصه

لا مش هقبل بده
ازاى يعنى تبقى محترمة وتقول الفاظ كده
وبعدين حتى لو بيعاكس فى مليون طريقة تتعامل بيها
اقلها تقفل وما تتكلمش
مش تعمل كده
راحت شتمته بالدين
بجد مش فاهمة
طب ماشى اتعصبت والعفاريت اتنططت قدامها
تقول حاجة تانية خلاص يعنى ملقتش قدامها الا كده
تسبه بالدين لا اللى يعمل كده بصراحة عندى بسميه حاجة تانية
لان الحركة دى مفيش غير ناس معينة هى اللى بتعملها
انا هسيب اللى بعدى يجاوب نفس السؤال
جايز ليه اجابة تانية

وانتي سيبتي حاجه للي بعدك يا إيمو انتي قولتي كل حاجه ربنا يجازيكي خير انا بس أحب أضيف حاجه اللي بيقول اصلي اتنرفزت ده يقدر يشتم أمين شرطه مش هقول ضابط ولا وزير ولا رئيس
اللي بعدي
لو حد سب الدين قدامك تقدر تضربه أو تشتمه أو على الأقل تنصحه

لو حد اعرفه كويس هضربه ودى حصلت فعلا ادامى حرم الدين عليه بمعنى القسم انه معملش شئ مثلا فضربته

اما دا لو حد مش قريب منى هنصحه مش هينفع اضربه عشان ممكن النصيحه توجع اكثر من الضرب
اللى بعدى

لو اللى سبت الدين قالت انا عارفه اننا مش هناخد بعض بسسب اللى عملته بس غصب عنى كل اصحابى بيعملو كدة انا اول مرة اقولها مش مشكله مناخدش بعض بس نكلم بعض وخلاص

طيب ونكلم بعض ليه
ممكن لما تتوب وتنوب
اللي بعدي

لو واحده مشيها مش كويس وانت ظبطها ومتقدرش تعيش من غيرك بمعني لو بعدت عنها ممكن ترجع تعمل ده تاني ومراتك طلبت منك تسيبها علماً بإن مراتك متعرفش عنها كده تقدر تسيبها

انا مش فاهم السؤال

وانا كمان
يعنى هو متزوج وماشى مع واحدة ولا ايه لا مش قاصدى كده انا اقصد يعنى زى اخته مثلا
ماشى جايز مثلا صديقته بس ازاى بردو
متقدرش تعيش من غيره وهى عارفة انه متزوج
لا بجد السؤال غريب
انا مش فاهماه

طب بص انا هقولك اللى فهمته
هو المفروض انك ماتسيبهاش وتفضل حمبها والزوجة المفروض تقدر كده
هى ممكن تفهم غلط وده الطبيعى فى الزمن ده
بس ممكن تقنعها انك المفروض تساعدها مش تسيبها وهى محتاجة لمساعدة
انا لو مكانك
مش هسيبها هحاول اساعدها وفى نفس الوقت هحاول اعرف الزوجة انها محتاجة لمساعدة بس مش هقولها يعنى مشيها مش حلو
لا يعنى ممكن اى حاجة تانية
بس انا لو مكانك بجد هعمل كده مش هقدر اسيبها
مش عارفة بقى هو ده اللى تقصده ولا فى حاجة تانية
بس هو ده اللى فهمته

صح اللي فهمتيه يا إيمو
بس انا عاوز اوضح حاجه كلمة ضبطها
الطاء عليه شده يعني ظبتها من التظبيت مش ظبتها من الظبط
بمعني انها كانت مشيها وحش وخليت مشيها كويس
ده بأه سؤالي لو سيبتها ممكن ترجع مش كويسه تاني
انتي جاوبيت يا إيمو صح
سؤالي بأه للي ورايا
لو إنسان بينكوا صداقه جامده وانت لعبت معاه لعبه وبعتتله ناس اشتغلوه يعني بلغة اليومين دول في هزار وهوه زعل تقدر تقول له ان انت اللي عملت فيه كده وتطلب منه يسامحك

هو هايكون غصب عنى

ماهو بقا السبب


تقدر تخون اكتر انسان بتحبه

لاء مش قدها


تقدر تنجح بمجموع عالى

هههههههههههههههههه

لاء لانى خلصت دراسه من زماااااااااااااان

سؤالى بقا
تقدر تحب اتنين فى وقت واحد

مقدرش احب اتنين علشان ماليش قلبين
مش قدها
تقدر تسمع لاتنين بيتكلمو فى وقت واحد هاااااااااااااااااااااااااا
قول قدها

لالالالالالالالالالالالالالالالالالالالالالالالا مش قدها

تقدر تعيش مع حد مش بيحبك

اه ممكن لما الظروف تبقى عايزة كدا
تقدر تبص للشمس لمدة ربع ساعة
قدها

لالالا واستحمله ليه يولع
بس لو ليا عندو مصلحة اولع انا هههههههههههههههههههههه
تقدر تاكل خمسة كيلو لحمة وحلة محشى وحدك

اهو دا اللى مش ممكن ابدا
اموووووووووووووووووت
تقدر تطبخ لعشرين واحد اكل فى خلال ساعة واحدة

لو حد بحبه وفكرت بالعقل مش هامن له اما لو فكرت بالقلب يبقى هامن له حتى لو جرحنى ملويون مرة
اما لو حد عادى بالنسبة ليا مش هامن له

سؤالى بقا

تقدر تعيش من غير حب وتتجوز من غير حب

اقدر فى حالة انى ملقتش اللى احبه يبقى مفيش قدامى غير انى اتجوز واعيش من غير حب

تقدر تنسى جرح انسان حبيته

لا طبعا منساش الجرح لحد كان بينا مشاعر وحب لآن دى حاجة تتعلق بكرامتك وعزة نفسك كشخص
تقدر تشوف حبيبك فى ليله فرحه مع غيرك

لا مقدرش بس ممكن مع مرور الوقت اقدر وانسى

تقدر تقعد3 ايام من غير اكل خالص

ليه بوبي سانز ولا إيه يا بيدو
طبعاً مقدرش
اللي بعدي بقدر تنام على سور بلكونه وتستغرق
ملحوظه بلاش انت تجاوب يا هاني طبعاً عارف ليه

أنا اقدر انام على حاجة تكون فى عرض سور البلكونه واستغرق كمان لان انا تفريبا مش بتقلب وانا نايم بس تكون قريبة من الارض اوى لكن على سور البلكونه لاء الا لو كنت عايز انتحر



تقدر تتكلم باللغة العربية الفسحة لمدة اسبوع من غير ما تغلط فى ولا كلمه

لاء صعب


تقدر تفضل على النت اسبوع متواصل

من غير اكل ولا شرب ولا نوم اكيد طبعا لاء


تقدر تعمل طاجن بامية باللحمة المفرومه من غير استعانة بحد شرط يطلع جميل

اكيد طبعا
قدها

تقدر تعمل نفسك مش فاهم حاجه

لا خالص

تقدر تكتم نفسك لمدة 5 دقايق متواصلة

طبعا مقدرش احنا وطنيين واللى ميفرحش لبلده يبقى مش وطنى
تقدر تضحك وانت مدايق جدا ومهموم وتضحك جامد

لا مقدرش
تقدر تشوف قمة التناقض قدامك ومتبكيش
اقول الموقف يوم ماتش مصر والجزاير في كأس افريقيا ناس آخر دلع شباب وبنات لابسين آخر موضه وراسمين علم مصر على وشهم وماسكين الأعلام والبنات قاعده على شبابيك العربيات ومع كل ده تلاقي بنات يتدلق منهم علية كشري عالأرض وييجي ولد ياكل منها وهي عالأرض لأنه مش لاقي
تقدر تشوف المنظر ده ويعدي كده وتروح تشجع ماتش كوره

لا مقدرش طبعا
زي اللى صرفوا مئات الجنيهات علشان يروحوا يضربوا هناك فى السودان وفى ناس مش بتنام من غير عشا


تقدر تبات فى البلكونه بلبس حفيف جدا فى عز الشتا