سؤال صريييييييييييييييح وأجابه اكثر صراحة - طلعوا اللى جواكوا-

سؤالك موضوع جدل اليومين دول يا ببلاوى
انا لما تابعت الموضوع ده حسيت باشمئزاز
دى ناس غير متزنة نفسيا فى ناس كتير عارضت ده وقالوا ان هما لو ربنا خالقهم غير متزنين جينيا فده حقهم لكن دول ليس بهم اى خلل واللى وصلهم لده هو ان الشخص اللى عايز يتحول بيبقى مش قادر يتأقلم مع كونه مخلوق كده وده بيبقى خلل نفسى زى ماقلت
لكن اخر حاجة سمعتها ان ده حرام وغير مقبول قانونا وانا موافقة على ده
والله اعلم عشان كده نسيب السؤال مفتوح

ايه ياجماعه حكاية السؤال المفتوح ده
محدش عايز يخيطه وسايبينه يسيح دمه كده لما الموضوع خلاص هايتصفى دمه

الله يجازيك ياببلاوى انت اللى ابتدعت الموضوع ده فى الاول حسابك معايا


ياجماعه لو الببلاوى مدخلش كام يوم محدش يقلق عليه اصلى ناوى ازوره المستشفى


هايقضى فيها كام يوم استجمام كده


ايه رائيكم بقا نسيب السؤال مفتوح












لا انا هاسأل مش هاعمل زيكم
بس ملقتش حاجة اجاوب عليه رد ايمو ويويو كافى على السؤال ربنا يبارك فيهم ويطولينا فى عمرهم

كنت عايز ادعى الدعوة بتاعه مسلسل المال والبنون لكن مش فاكرها
بتاعه ادعوا لعم الحاج ديه


مش مهم كانى دعتها

السؤال بقا

لو انت بتحب حد اوى اوى اوى وهو بردك بيحبك اوى اوى اوى ، خدوا بالكم 3 اوى لكل واحد

وفجاءة حسيت منه بالتجاهل الى حد ما ، يعنى مش تجاهل واضح اوى
حاجة بسيطة لكن بالنسبة لدرجة حبكم مش بسيطة يعنى حاجة انت مش متعود منه عليها
زي مثلا مثلا لازم يتصل بيك اول ما يصحى من النوم ، مينمش الا لما يكلمك ويسمع صوتك

طول الوقت بيرن عليك ، الحاجات اللى هى بتخلى الحب لذيذ اوى وبتدل على الحب الحقيقي

لقيت مرة واحدة الحاجات ديه انقطعت ولما بتساله فيه ايه
يقولك مفيش حاجة عادى بنسي معيش رصيد اعزار وما هى باعزار ولو ضغت عليه شوي تلاقيه ملاك وزعلان منك ويقولك متزعلش منى هاخد بالى بعد كده هاعمل حسابى
وهما ساعتين ويرجع تانى لاسلوب التجاهل يعنى ريمه رجعت لعادتها القديمة ، والغريب بقا انك لما بتساله بيستغرب ويستنكر ده منك ازاى انت وصلك احساس بانى متجاهلك ما انا معاك اهو بكلمك اهو

جواك هاتقيد نار دورت على مية تطفيها بيها مش عارف تكونش انت مزودها لا لا انا مش مزودها ده كان وكان وكان دلوقتى ده كله فى خبر كان يعنى احساسى صح
ميت سؤال وسؤال هاتتجنن مرارتك هاتتفقع هاتشد فى شعرك وبرده مش عارف اى اجابه

تعمل انت ايه يا حلو ساعتها او تعملى ايه حلوة انتى ساعتها

ده ايه الكلام ده كله انا حاسس انى كتبت موضوع جديد مش مساهمه

عمتا مش مشكله اصلى بقالى كتيررررررر مش عارف اخش بسبب انشفالى فقولت ادوشكم شويه
جاوبوا بقا مستنين ايه

واياك ياللى هاتجاوب تقول نسيب السؤال مفتوح

ده لو انت خايف على دماغك يعنى

هاجاوب على سؤالك يا باحث
ممكن يكون الشخص ده فعلا عنده اعذار
ممكن يكون بينسى لان في حاجة شاغلاه
ممكن يكون جواه حاجة مدايقاه ومش عايز يدوشك بيها
وبرضه ممكن يكون بيحاول يبعد لسبب اكبر منه ومش عايز يبعد مرة واحدة
يعنى بيعودك على بعده شوية بشوية
بس لو عايز حل اتناقش معاه
انا رأيى ان المواجهة دايما بتريح
اسألها وقلها ان ده بيعذبك وحسسها انك معاها لو فى مشكلة او حاجة تصارحك وانت هاتساعدها
يعنى بأختصار اتناقش معاها واسألها ولو رفضت اديها الامان انك معاها والثقة انها تتكلم وتقول
ادينى جاوبت اجابة كبيييييييييييرة زى سؤالك
والسؤال مش مفتوح عشان دماغى بس
سؤالى انا بقى
امممممممم
تعمل ايه لو اكتر من واحد قالك انه بيحبك وانت مش عايز تجرح حد بس ف نفس الوقت شايف انهم كلهم فرص كويسة بس المشكلة اللى محيراك انك خايف تقول لا لحد وايوة لحد تانى

انا عايزة اضيف حاجة ف اجابتى على سؤال الباحث
يعنى كحل لسؤاله اللى هو مشكلة عند صاحبها
حاجة زيادة ممكن تعملها
اعمل دايما الحاجات اللى انت عايزها تعملها بس مش بتعملها
يعنى انت كنت متعود انها بتكلمك الصبح
طيب كلمها انت وساعتها هى هاتعرف وهاتتعود
صحيح هاتتعود ان انت اللى بتعملها بس هاتبقى بالنسبة لها حاجة مهمة
وساعتها هايبقى مش مهم مين اللى عملها المهم ان انتوا الاتنين بتعملوا حاجة تبسطكوا
لان مجرد انك تسعد حبيبتك دى ف حد ذاتها سعادة ليك
وسورى ع الاطالة بس انا كنت بفكر ف السؤال من وقت ماقريته
وبالنسبة لسؤالى فلسة مطروح للاجابة عليه

ازيك يا ايمو يويو منورة ويارب تفضلى منورة علطول
انتى مش ناويه تخشى تتفتشى والا ايه مستنينك والله كلنا خشى وخليكي جرئية ده زي شكه الدبوس
ايه عمرك ما ختى ابر قبل كده والا ايه

بالنسبه لسؤالك بقا

فى الحاله ديه لازم استشير عقلى واستفتى قلبى

يعنى احايد نفسي واقارن ما بينهم فى كل حاجة وبعد كده استفتى قلبى اشوفه ميال لاى حد فيهم
وطبعا منساش صلاه الاستخارة
اما بالنسبه لموضوع انى مجرحش حد ده فمينفعش انى مجرحش حد واجى على حساب نفسي
لان ده معناه ان اكتر واحد هايزن عليكي هو اللى هايفوز خوفا من انك هاتجراحيه وممكن ميكونش هو انسب حد
فخلكي صريحة لابعد الحدود وفى نفس الوقت دبلوماسيه فى ردك بمعنى تانى خليكي صريحة من غير تحديف طوب ولازم اللى قدامك يقدر ده

اما عن سؤالى بقا

ايه اكتر حاجة بتكرهه الست فى الراجل ولا يمكن تسامحه عليه ابدا ده لو اللى رد واحدة
وايه اكثر حاجة بيكرهاه الرجل فى الست ولا يمكن يسامحها عليه ابدا ده لو اللى رد واحد

يالله يا شطار

ايو يا يويو بس انا بقولك انى كنت متعود منها على حاجات جميله كلها بدل على جمال المشاعر وكده يعنى لكن بعد كده مبقتش تعمل الحاجات ديه وتحسيها متعمدة تعملها لكن لما تساليها تقولك مقصتدش وتقول فى اعزار وهميه متنفعش انها تكون اعزار ما بينكم ممكن تكون اعزار ما بين اتنين اصحاب لكن ما بين اتنين احباب متنفعش


وعلى فكرة انا عدلت ليكي صورة التوقيع علشان مكنتش ظاهرة -اى خناقة-
وعلى فكرة كمان مش شرط ان يكون السؤال بيدل على حاله صاحبه

تسلميلى يا عيون الموضوع اكيد حلو علشان انتى شاركتى فيه

ونادينى بالاسم ياللى بدك اياه


اما بالنسبة لاجابتك على سؤالى فكتيررر من البنات بتفكر ان اهتمام الراجل بحببته وخوفه عليها شك
لكن لو امعنت النظر هاتعرف ده حب واهتمام وخوف
وطبعا ميزدتش عن حده علشان متتخنقش منه


اما بقا بالنسبة لسؤالك

انا عن نفسي احب جدا جدا يصدر من حببتى كل ما هو معبر عن اهتمامها بيا وخوفها عليا وحبها ليا فى كل موقف بيحصل من غير ما انا اطلب منها حاجة
تفهمنى من غير ما قول تحس بيا من غير ما عبر تجعلنى الاول فى حياتها تبقى عارفه ازاى تصالحنى لما ازعل تعاتب نفسها لما تغلط من الاخر يبقى كل اهتمامها هو انا


اما عن سؤالى بقا
فهو سؤال جرئ شوي ولكنى اعتبره قضية

ايه رائيكم فى الزوج الذى يطلب من زوجته ان يصورها وهى عاريه تماما وماذا لو وافقت الزوجة وهل لو رفضت تعتبر عاصية لامر زوجها ؟
واذا سالته لماذا طلب الطلب ده اكيد علشان مزاجه فليس هناك اى امر يستدعى ذلك مهما كان الا اذا كان محرم فهنا انا اقول هو طلب الطلب ده علشان مزاجه وليس لامر محرم

عزيزي ده مش سال طبعا ده شخص مريض نفسيا اذا كان فعلا علشان مزاجه
لكن لو كان علشان اي سبب تاني يبقي ديوس
وطبعا معرف ان الامر ده حرااااااااااااااام شرعا
ولو هي وافقت يبقي هي ؟؟؟؟؟؟؟؟؟؟؟؟؟
ربنا يرحمنا ريعفنا نحن واخواتنا وبناتنا وامهاتنا ووجميع المسلمين


سؤالي بقي هو
هل دائما ردودك داخل المنتدي تعبر عن ما تفعله بحياتك ام هي مثاليه علي الفاضي
اسف لو كان سؤالي رخم بس بصراحه انا حاسس انه حاجه اصبحت كتير اوي
الردود المثاليه

بالنسبة لسؤالك يا ببلاوى
الحمد لله ردودى كلها بتعبر عن رائيى وعن ما افعله فى حياتى


اما عن سؤالى

بدأت تصوم رمضان من وانت عندك كام سنه

اخير شخص تشجع ورد علي سوالئ اكيد كنت متوقع انك انت الي هترد
وبالنسبه لسؤالك انا بدات اصوم وانا تقريبا في اولي ابتداي صيام كامل


وسوالي هو
بما اننا في رمضان هل تستطيع ان تغفر لشحص اخطاء في حقك خطا جسيم

فى مثل بيقولك اللى انكسر ممكن يتصلح
وانا بقولك فى حاجات لو انكسرت عمرها ما تتصلح ولو حاولت تصلحها لازم هاتسيب اثر



اما عن سؤالى بقا

ايهما اكثر خيانة الرجل ام المرأة مع التعليل ؟

والله الاتنين اصعب من بعض
الخيانة بشعة من كلا الطرفين
و لكنـ لأن قلب المرأة يكسر بطريقة أسوء من قلب الرجل
وبذلك تكون خيانته أصعب لكن علي الرغم من قلبها المكسور تسامح
ومن الممكن ان تتحمل الخيانة ولا تشكو او حتي تواجة زوجها
لكي تحافظ علي البيت لكن عندما يتكشف الرجل ذلك يندم
ويطلب منها العفو ولان المرأة أرق مخلوق علي وجه الارض تسامح
أما في حالة خيانة المرأة وبنسبة كبيرة يكون الرجل السبب
لايسامح الرجل لان غرور آدم وكبريائة لا يسمح له بالتنازل مهما كانت الاسباب
لانه اذا سامح سوف يفقد الكثير واهمها كونه رجل حتي لو كان في نظره وليس الغير
ودائما ستكون الخيانة امام عينه ولا ينساها وتقتله الشكوك في كل لحظة
ويكون الرجل السبب عندما تخونه زوجته بسبب طريقته أو اسلوبه الهمجي معها
فهناك البعض يجد نفسه رجل بقسوتة او سوء معاملته لزوجته لكن المرأة اذا شعرت بالحنان والامان تجدها أمة لزوجها
وتكون المرأة السبب عندما لاتهتم بزوجها ولا تهتم بجمالها امامه
وفي كلتا الحالتين الحل في يد الطرفين


سؤالى للشباب
ليه انت ممكن تتعرف على واحدة متجوزة وتضيفها على الماسنجر وتتكلم معاها وبحدود وبكل ادب ومفيش اى حاجة وحشة بينكو غير كل احترام
لاكن متقبلش دا على زوجتك ولو عرفت انها كلمت اى شخص الدنيا تقوم ومتقعدش وتطلقها كمان وتفضحها

اختى العزيزة الراجيه
ردك على سؤالى محتاج موضوع للتعليق عليه
وسؤالك اللى بعد ردك محتاج موضوع هو كمان للرد عليه

انا هاحاول بقدر الامكان انى اختصر
اولا بالنسبة لموضوع الخيانة
من فترة قريت خبر فى الجرنان ان فى واحدة مش مصرية اتجوزت من الكلب بتاعها وطالبت بشرعية الزواج ده ولما سألوها عن السبب كان ردها عجيب اوى قالت ان الكلاب مش بتخون زي الرجاله وان معروف عن الكلاب انها وفيه
وساندها نساء كتيررررررررررر فى رائيها ، ونسيو كلهم ان فى مثل بيقول ان ديل الكلب عمره ما ينعدل طب المثل ده اتقال ليه ولما اتقال كان ايه نوع الحيوان اللى اتقال عليه
كمان كتيرررررررررر من الاراء وخاصة اراء النساء ان الرجاله هم اكثر خيانة من المرأة فالرجل من دول بيخون مراته مع واحدة واتنين وتلاته ، طب هو الراجل ده لما بيقوم بفعل الخيانه بيقومها مع نفسه والا مع حد طب الحد ده مش واحدة واكيد خاينه هى كمان واكيد اكيد انها ممكن تكون هى اللى اغوته طب تعالوا كده نحسب عدد الخانين راجل خاين مع 3 سيدات خاينين يبقى العدد الاكبر فين ؟
انا معاكى يا بيدو ان اكثر الخاينين بيكون الطرف التانى هو السبب بس ده بردك مش شرط فى رجاله الخيانه بتكون فى دمهم وفى سيدات بتكون الخيانه فى دمهم ومعاكى كمان فى ان المرأة قلبها غير الرجل علشان كده خيانة الرجل بتأثر على الست اكتر من الرجل
لكن خيانة الست بتسمع اكتر من الرجل وبتكون تأثيرها على المجتمع اقوى بكتيررر مش هاخوض فى النقطة ديه اوى لانى اتعرض ليها تانى فى الاجابة على سؤالك
واخيرا وليس اخرا لان الموضوع محتاج كلام كتيرررررررررررر اوى
بس هاختصر الكلام فى
ان الطيور على اشكالها تقع وان الطيبون للطيبات اللهم الا اذا كان ابتلاء او تكفير ذنب


اما بالنسبة للاجابة على سؤالك فانا هاترك اللى هايخش بعدى يرد وانا راح ارد بردك لكن فى وقت لاحق ان شاء الله

اوكى يا باحث ياريت اللى يدخل يجاوب على نفس السؤالين والاخص عايزة راى الرجالة كلهم فى سؤالى

الراجية عفو الله كتب:

سؤالى للشباب
ليه انت ممكن تتعرف على واحدة متجوزة وتضيفها على الماسنجر وتتكلم معاها وبحدود وبكل ادب ومفيش اى حاجة وحشة بينكو غير كل احترام
لاكن متقبلش دا على زوجتك ولو عرفت انها كلمت اى شخص الدنيا تقوم ومتقعدش وتطلقها كمان وتفضحها

بيدو انا حاسس انك بتهجمي الراجل دايما في كل مواضيعك شكلك كده مع منطمه يانساء العالم اتحدو
هههههههههههههههههههههههههههههههههههههه
اولا ارد علي الموضوع بمنظور عام
الراجل الشرقي لايقبل ابدا ان تكون زوجته علي علاقه برجل اخر ألا اخواتها وده لان موروث العادات والتقاليد وقبلهم الشريعه الاسلاميه لاتقبل هذه العلاقه وهنا تظهر الغيره والكبريا ولاحساس بالخيانه لانه هنا عند التجائها إلي شخص اخر للفضفضه وابدا الراي في بعض المشكلات بتكون هنا بوضع شخص اخر بينها ةبين زوجها وهو ما لا يقبله اي رجل شرقي
ده طبعا غير الشك حتي لو مشكتش فيها هشك في الشخص الي بتكلمه والشيطان شاطر
كمان مين قالك ان الست لو عرفت ان جوزها بيكلم واحده هتسكت لا هتشك والدنيا هتقوم ومش هتقعد تاني
طيب يعني ده حقها ومشحق الراجل
كملن خيانه الست للراجل اكبر في مجتمعنا هذا من خيانه الرجل للست وبتسمع اكتر وبتكون عاااااااااار علي هذا الرجل زي ما قال استاذي الباحث
يعني الراجل لو مراته خانته بيعيش طول عمر بعار ان مراته خانته لكن لو الراجل خان مراته بردو بيقولو عليه هو انه مش كويس والموضوع بيخلص
طيب هتساليني انا ليه بعمل كده وانا مش عايز مراتي تعمل كده
لاني بثق في نفسي واثق اني مش هخونها واثق لكن هل انا واثق من الرجل الذي تكلمه مراتي ومش واثق كمان في الشيطان الي ممكن يدخل بينهم ولو الشخص ده ضعيف نفسيا مش هيثق كمان فيها هي وبكده هيعيش في شك وغيره وحاجات كتير من الحااجات الي يتخرب البيوت دي



ثانيا الموضوع من منظور شخصي
اولا انا مش بكلم ايواحده متجوزه ومشبضيفها علي اميلي
لكن بما اني انا كمان راجل شرقي

حلوه راجل شرقي دي
لا ده انا كمان راجل مثقف ومتعلم
لكن ده ميمنعش اني عمري ما اوافق علي ان مراتي تكلم اي حد متعرفهوش علي الماسنجر
عارفه ليه علشان انا لو وافقت علي كده يبقي انا اسف في اللفظ ديوث
ازاي اوافق ان مراتي تكون علي علاقه بشخص وبعد كده تقولي هما بيتكلمو بكل ادب وكل احترام طيب انا اعرف منين اراقبها يبقي انا مش كويس اثق فيها زياده ابقي حمار ده المثل بيقول حرص من صاحبك
يبقي دراءا للشبهات لازم هي متعملش كده
طيب هتقولي انت بتعمل كده ليه هقولك انا مش بعمل ولو عملت مش هتكلم معاها غير لو في حاجه كبيره وهي محتاجه نصيحتي وهقولها نصيحتي واقفل معاها وفي حدود ولو جوزها عرف وعمل معاها مشكله انا معاه لانها غلطانه
اسف علي الاطاله لكن انا فعلا مع رائي اخي سامح ان مفيش خيانه من طرف واحد كمان خيانه الست اكتر
والدليل زي ما هو قال لو انا بخون مراتي مع 3ستات يبقي اناواحد وقدامي 3 ستات كمان مفيش راجل بيخون غير من خلال ست اذا هي امر مشترك بين الرجل والمراءه
لكن طبعا انا معاكي ان ممكن الست تغفر بعكس الراجل لكن ده مش معناه انها نسيت لا دي هتفضل معكننه عليه طول عمرها وربنا يرحمنا من عكننه الستتات وكمان زي ما قلتلك في حاله خيانه الرجل بيكون العار علي الست اقل ففي الحالتان يلام الرجل قبل المراءه في مجتمعنا هذا
ولو حد فهم انا بقول اي يفهمني علشان انا مش فاهم

اتمنى ارى راى باقى الاعضاء شكرا لك اخى الببلاوى

ازيكم جميعا وحشتونى كلكم

بالنسبه لرائي انا
انا قولت رائي فى سؤال ايهم اكثرهم خيانه الرجل ام المرأة
وباقى رائي فى سؤال لماذا الراجل بيسمح لنفسه ان يسجل ايميل واحدة متجوزة على ميله ويحكى معاها ويرفض ده على مراته ؟


رائي فى السؤال ده عبارة عن كام سؤال مش هاجب عليهم لان ليهم رد منطقى

1 - ليه الست ممكن تسجل ايميل واحد متجوز او مش متجوز مش هاتفرق كتيررر ولو شافت جوزها عمال يتكلم على النت مع البنات تعمله مناحة ؟
2 - لو الراجل شاف مراته ماشية مع واحد او بتتكلم مع واحد على النت كتيرررر هل ممن الممكن انه يقول ان مراته متجوزة عليه ؟
3 - طب لو الست شافت جوزها ماشى مع واحدة او بيكلمها على النت مش ممكن تكون ديه مراته التانيه ؟
4 - هو ليه ربنا حلل للراجل انه يتجوز اربعه وحرم ده على الست ؟
5 - هو الراجل اللى متجوز لو غلط مع واحدة مش متجوزة مش ممكن الموضوع يتحل -دنيوي مش دينى- ويتجوزها ؟
6 - طب لو الست اللى متجوزة غلطت مع راجل ايه الحل ساعتها ؟
7 - لو فرضنا ان عندنا اتنين ستات واحدة كويسه وواحدة مش كويسه واتنين رجاله واحد كويس وواحد مش كويس ، لو الظروف جمعت الراجل اللى مش كويس مع الست الكويسه فى حجرة واحدة احتمال ان يحصل ما بينهم حاجة اد ايه ، والعكس لو الراجل الكويس مع الست اللى مش كويسه فى حجرة واحدة احتمال حدوث حاجة ما بينهم اد ايه ؟

كما اود أن انوه ان اى علاقة تنشأ بين اتنين سوا كانت علاقة محللة او محرمة تبدأ بحاجة بسيطة جدا ؛ تعارف او سؤال او نظرة ثم تتطور الى ان تصل الى ما هى عليه ، دون ان يكون متوقع هو وصول العلاقة الى ما هى عليه وذلك فى أغلب الاحيان

واخيرا احب اقول ان اى حد مش شرط يكون متجوز ممكن يكون خاطب او حتى مرتبط وبيحب لازم يحترم مشاعر اللى بيحبه وان كلامه مع حد تانى يعتبر خيانه فى رائيي الشخصى
له ميكنش حبيبك هو صدقيك وصاحبك وجوزك وحبيبك ومعشوقك وكل حاجة فى حياتك والكلام ده ينطبق على الراجل والست ، مش تقولى انت حبيبى لكن ده صديقى زي اخويا بالظبط طب ما انا وانتى كنا زي الاخوات اول ما اتعرفنا وتطورت العلاقة بعد ذلك الى ان اصبحتى زوجتى ، واكيد طالما فى كلام وحكى ما بينك وما بينه وزي الاخوات لازم العلاقة تتطور انتم كمان

هاسال سؤالي بقا

لو انت اكتشفت ان حببتك بتعرف شباب على النت او زمايل فى الشغل او الدراسه وتلفونات ورنات كلام محترم وكل حاجة ولما كلمتها قالت ليك دول اصدقائي هو انا بتكلم معاهم كلام حب ، وتثنع فيها مهما تقنع فيه اللى فى دماغاها فى دماغاها كبيرها تسكتك وتقولك طيب وزي ما هى ، تعمل ايه بقا ساعاتها وانت بتحبها وهى بردك بتحبك ، والعكس طبعا لو انتى اللى اكتشفتى ده تعملى ايه ؟

كلامك كله منطقى يا باحث بس ليا تعقيب بسيط

مفيش حد مرتاح فى حياتو الشخصية وزى ما انت بتقول
له ميكنش حبيبك هو صدقيك وصاحبك وجوزك وحبيبك ومعشوقك وكل حاجة فى حياتك

بتهيالى ان دا قليل جدا جدا
اللى بيخلى الست المتجوزة تتكلم مع شخص اخر او العكس ان بيبقو مش مرتاحين فى حياتهم وعايزين يتكلمو مع ناس ميعرفوهمش يفضفضو يحكو يضحكو يخرجو من جو البيت شوية ومشاكل الحياة

ولعلمك اغلب الناس مش مرتاحة
واه الست هتعمل مشاكل كبيرة لو عرفت ان جوزها بيعرف حريم وبيكلمهم على الايميل لاكنها مش هتيجى حاجة فى اللى الراجل هيعملو لو عرف ان زوجتو بتكلم راجل على الايميل دا ممكن يتهور ويقتلها مع انه ممكن يسمح لنفسه انو يتكلم مع متجوزين ويقول انا راجل غير الست

لاكن الصح ولا الراجل يتكلم ولا الست تتكلم واللى ما ارضاهوش على نفسى لازم مش ارضاه على غيرى

اما عن سؤالك لو طبيعة عمل زوجى انو مختلط بالنساء وبيكلموه عشان الشغل دا عادى وانا اكيد واثقة فى زوجى اما لو كانت مجرد صداقة ورنات وكل شوية مكالمات دا طبعا فى اكياس نايلون وساطور هههههههههههه

لا طبعا دا وضع اكيد مش هرضى بيه ولازم يكون ليه حل وموقف صريح

اما سؤالى بقاااااااااااااااا


لو حصل موقف من حد بتعزه ودايقك جدا جدا بتقدر تكظم غيطك ومتردش ولا يكون ليك رد فعل

طيب لو كظمت غيظك بتقدر بعدها متتاثرس باللى حصل دا وتنام عادى ومتهتمش لانك كظمت غيظك ولا بتفضل مدايق انك مقدرتش تعمل اى رد فعل ويبقى نفسك ان الموقف دا يحصل تانى عشان ترد على اللى حصل

والله يابيدو بالنسبة لية
انا ساعات ساعات
بمعنى ان ساعات مش بقدر امسك نفسى واتكلم وارد
بس دا حسب حدة الموقف
وساعات تانية مش برد

طيب لو كظمت غيظك بتقدر بعدها متتاثرس باللى حصل دا وتنام عادى ومتهتمش لانك كظمت غيظك ولا بتفضل مدايق انك مقدرتش تعمل اى رد فعل ويبقى نفسك ان الموقف دا يحصل تانى عشان ترد على اللى حصل

لا اكيد طبعا بتاثر واكيد طبعا بفضل مدايق وبفضل افكر
اقول اية اللى كان مفرض اعملة طب لية انا معملتش كدة وعملت كدة لية
ولو رديت برضة بفضل اسال نفسى انا لية عملت كدة لو كنت غلطت
شكـــــــــــــــــــــــــــرا

لو انت متردد فى موضوع تعمل اية عشان تخلص من التردد دة ؟؟؟

ما خاب من استشار

اكيد هسال ناس بيحبونى واخد رايهم

هتاكلو ايه النهاردة او فطرتو ايه لو اللى جاوب بعد الفطار

هفطر النهارده اكله بموت فيها هفطر كبده ومكرونه


سؤالي بقي هل سوف تظل علي العباده بعد رمضان ام انها كانت في ايام رمضان فقط

سأظل على عبادتى لكن سينقصنى قيام الليل
سؤالى
ماذا تفعل للتغلب على خجلك؟

الرد المفروض هايختلف على حسب
اللى رد بنت او ولد


لان الخجل فى البنت ميزة مفتقدناه فى عصرنا الحالى

اما الولد فالخجل لابد وان يكون له حدود فلو تخطى هذه الحدود يعنى بقا زايد اوى يخلى عقله هو المتحكم لان الخجل احساس والاحساس نابع من القلب فلو حكم العقل فقط هايقدر يتحكم فى الخجل
اما لو نقص خالص عن الحد المفروض يكون عنده يبقى ده ملوش علاج لان الخجل لو مات مبيرجعش اعتقد ذلك

والخجل عند البنت بردك له حدود بس لازم يكون اكبر بكتير من الولد ولو زاد عند حده يعنى بقت البنت خجوله جدا لدرجة ان حقها بيضيع وممكن تتأذى بسبب خجلها يبقى بردك تحكم عقلها بس لحد ما تقدر توصل الخجل للدرجة المظبوطه

اما عن سؤالى بقا

تفتكر انك لما تموت احبابك هايزعلوا عليك اوى زي ما انت هاتزعل عليهم ؟

السؤال دا اللى يرد عليه شخص حب من دولة تانية

لاكن الناس الحلوة كتير وموجودة لاكن المشكلة فى الحب نفسه انتى ممكن تلاقى شخص كويس بس المشكلة هتقدرى تحبيه ولا لا

سؤالى بقا

عارفة لما تحطى ملح على سكر
هايكون ايه الناتج حاجة لا هاتقدري تحلى بيها ولا هاتقدري تحدقى بيها حاجة كده لوحدها

هو ده بالظبط الاحساس اللى بينتج لما يكون حد بيحب شخص جدا وضحى بكل حاجة علشان خاطره علشان خاطر يفضل جنبه وبعد ده كله الشخص ده يطعنه فى ضهره اشد الطعانات لا هايقدر يكره علشان هو حبه اوى ولا هايقدر يستمر فى حبه علشان طلع شخص ميستحقش الحب ده

سؤالى بقا
لو حبيت شخص جدا وهو حبك واتفقتم على كل حاجة وعاهدتم بعضكم على الاخلاص وفجاءة لقيت الشخص اللى انت حبيته وعملت المستحيل علشان تكونوا مع بعضكم جيه مرة واحدة قالك اننا مننفعش للبعض واكتشفت انه اتعرف على حد غيرك وحبه عليك تعمل ايه ؟

هضربه بالجزمه مره وهضرب نفسي بالجزمه الف مره علشان معرفتش اختار صح وعلشان انا عرفت حد وحبيتو ةمقدرتش أعرفه من جوه اذا كان صادق ولا خاين بس بجد حد زي الشخص ده متندمش عليه بالعكس انت تندم علي انك عرفته وعلي وقتك الي ضاع معاه وعلي حبك الي انت اديتهولو وهو مقدروش اسف اذا كنت قلت لفظ خارج لكن الموضوع استفذني

علي فكره انا بجد عجبني ردك علي السؤال الي فات بتاع الراجيه بصراحه اجابه اكتر من رائعه والله انا مش بجامل علشان اعرفك لكن بجد انا لو حاولت اجاوب علي السؤال ده مكنتش عمري ما هوصل لرد زي ده



سؤالي بقا لو انت بتحب حد اوي وهو بيحبك اكتر ومتفقين علي كل حاجه لكن حصل حاجه غيرت كل موازين حياتك يعني بعد ما كنت هتتجوز بعد سنه بقيت هتتجوز بعد اربع سنين تعمل اي تسيبه وتجرح قلبه وقلبك ولا تفضل وتظلمه معاك

اولا بشكرك جدا يا ببلاوي على رائيك فى ردي على سؤال الراجيه

ثانيا بالنسبة لسؤالك :-
انت جبت منين انك لو سبته وبعدت عنه يبقى هاتظلمه معاك ده على اساس انك بتقرا الفنجان والا بتعرف الطالع طبعا انا مش بتريق والله بس السؤال استفزنى

الحب الحقيقي هو الادوم والمستمر مهما طال وقت اللقاء فكل دقيقة انتظار بتبعث الامل مئات المرات
اما لو سبته بحجة انك هاتظلمه معاك يبقى انت فعلا ظلمته من الاول لما قولتله انك بتحبه لانك كده فى الاصل مش حبيته

اه الحب تضحيه بس هل التضحية هى التضحية بالحبيب او بالحب نفسه ؛ طبعا لاء الحب هو تضحية بكل حاجة فى سبيل استمرار الحب وثبوته على ارض صلبة او الموت عليه

اما عن سؤالى بقا
ايه شعورك لما تكون دمرت حياة انسان وشايفه قصادك كل يوم بيموت شويه بشويه ؟

الباحث عن الحب المستحيل كتب:

ثانيا بالنسبة لسؤالك :-
انت جبت منين انك لو سبته وبعدت عنه يبقى هاتظلمه معاك ده على اساس انك بتقرا الفنجان والا بتعرف الطالع طبعا انا مش بتريق والله بس السؤال استفزنى

؟

انا مقلتش اني لو سبته هبقي بظلمه انا قلت هجرحه
وبعدين اذا كان الحب فعلا تضحيه فهل هوة تضحيه بكل شئ اكيد لا في حاجات هتيجيي عندها ومش هينفع تضحي صدقني رغم انك بتحب حب حقيقي فهل تفضل انك تجرحه و تبعد عنه ولا تظلمه ويفضل معاك

يا ببلاوى انا اقصد انك سبته علشان لو فضلت معاه هاتظلمة يعنى اللى انت قولته (ولا تفضل وتظلمه معاك )

وانا عند رائيى الحب تضحية حتى ولو بالروح ومفيش حاجة اغلى من الروح عن البشر ومقصتدش انك تنتحر ولكن تموت فى دفاعك عن حبك وعن الشخص اللى بتحبه

وهأسال نفس السؤال اللى انت مجاوبتش عليه

ايه بيكون شعورك لما تكون دمرت حياة انسان وشايفه قصادك كل يوم بيموت شويه بشويه ؟

شعورى هيكون نفس اللى بيحصله انا كمان هكون بموت شوية بشوية انا لا احتمل ان اظلم احد ويكون الناتج ان الشخص دا بيدمر بسببى

سؤالى هل قابلت فى حياتك حب حقيقى الحب النادر فى هذا الزمان هل احسست هذا الاحساس من طرفك لاننا لا نثق بشعور الاخرين لاكن نثق بمشاعرنا فقط

للأسف قابلته
وخسرت بسببه حاجات كتيرررررررر اوى على راسهم نفسي فترة، وثقتى فى البنات ، وفى وجود حد بيعرف يحب ، وفى انى ممكن اعرف احب تانى

بعيد نفس سؤالك يا بيدو

سؤالى هل قابلت فى حياتك حب حقيقى الحب النادر فى هذا الزمان هل احسست هذا الاحساس من طرفك لاننا لا نثق بشعور الاخرين لاكن نثق بمشاعرنا فقط